تفصیلات کے مطابق سابق وزیراعظم عمران خان کے بیٹے قاسم خان کے اڈیالہ جیل میں ہیپاٹائٹس سے 10 قیدیوں کی اموات پر سپرینڈنٹ عبدالغفور انجم نے ردعمل دیتے ہوئے کہا کہ اڈیالہ میں کوئی قیدی ہیپاٹائٹس سے متاثر نہیں۔

یہ بھی پڑھیں: چیف جسٹس پاکستان کا عدالتی اصلاحات کا اعلان

سپرینڈنٹ اڈیالہ جیل عبدالغفور انجم کا کہنا تھا کہ تمام قیدیوں کا ہیپاٹائٹس بی، سی اور ایچ آئی وی ٹیسٹ کیا جاتا ہے، اڈیالہ جیل میں حالیہ معائنے میں کوئی مریض ہیپاٹائٹس سے متاثر نہیں، اڈیالہ جیل میں قیدیوں کا میڈیکل چیک اپ روٹین میں کیا جاتا ہے۔

انہوں نے کہا کہ اگر کوئی قیدی کسیع وائرل بیماری میں مبتلا پایا جائے تو اسے باقی قیدیوں سے الگ کیا جاتا ہے، فی الوقت اڈیالہ جیل میں ہیپاٹائٹس سے کوئی قیدی متاثر نہیں۔

یاد رہے بانی پی ٹی آئی عمران خان کے بیٹے قاسم خان نے حالیہ انٹرویو میں اڈیالہ جیل میں ہیپاٹائٹس سے 10 قیدیوں کی اموات کا دعوی کیا تھا۔ بانی کے بیٹے قاسم خان نے کہا تھا انہیں خدشہ ہے انکے والد بھی اس بیماری سے متاثر ہوسکتے ہیں۔