لبنان پراسرائیلی حملہ:بچے سمیت 13 ہلاک، 50 سے زائد زخمی
Israeli attack on Lebanon: 13 dead including children, more than 50 injured
بیروت:(ویب ڈیسک)لبنان کی وزارت صحت نے کہا ہے کہ جنوبی بیروت میں اسرائیلی فضائی حملے میں 13 افراد ہلاک ہو گئے ہیں۔ ان میں ایک بچہ بھی شامل ہے۔
 
علاوہ ازیں وزارت صحت نے کہا کہ حملے میں زخمی ہونے والوں کی تعداد بڑھ کر 57 ہو گئی ہے۔ جن میں سے سات کی حالت تشویشناک ہے۔
 
ہسپتال کے ذرائع نے خبر رساں ادارے روئٹرز کو بتایا کہ اسرائیلی فضائی حملہ رفیق حریری یونیورسٹی اسپتال کی کار پارکنگ میں ہوا۔
 
 
یہ فضائی حملہ ان 13 افراد میں شامل تھا جو پیر کی شام جنوبی بیروت میں کیا گیا۔ اسرائیلی فوج نے کہا کہ وہ حزب اللہ سے وابستہ اہداف پر حملہ کر رہی ہے۔
 
لبنان میں اسرائیل کی جانب سے یہ حملہ ایک ایسے وقت میں ہو رہا ہے جب امریکی وزیر خارجہ انٹونی بلنکن تل ابیب پہنچ چکے ہیں۔
 
یہ 7 اکتوبر 2023 ءکے بعد مشرق وسطیٰ کے ملک کا ان کا گیارہواں دورہ ہے۔ خیال کیا جا رہا ہے کہ اس دورے کے دوران بلنکن اسرائیل اور تنازع میں شامل تمام فریقوں سے جنگ بندی پر بات کر سکتے ہیں۔