صدر مملکت آصف علی زرداری، وزیراعظم شہباز شریف، نائب وزیراعظم اسحاق ڈار سمیت پاکستانی قیادت کی جانب سے ایران پر اسرائیلی حملے کی شدید الفاظ میں مذمت کی گئی۔
آصف علی زرداری نے اپنے پیغام میں ایران پر اسرائیلی حملے کی مذمت کرتے ہوئے کہا کہ اسرائیلی حملےایران کی خودمختاری اور علاقائی سالمیت کی خلاف ورزی ہیں، حملے اقوام متحدہ کے چارٹراوربین الاقوامی قوانین کے خلاف ہیں، حملے میں جانوں کے ضیاع پرایران کے عوام سے ہمدردی کا اظہار کرتا ہوں۔
صدر مملکت آصف علی زرداری کی ایران کے خلاف اسرائیلی جارحیت کی شدید مذمت
— PPP (@MediaCellPPP) June 13, 2025
اسرائیلی فوجی حملے ایران کی خودمختاری اور علاقائی سالمیت کی کھلی خلاف ورزی ہیں، صدر مملکت
حملے اقوام متحدہ کے چارٹر اور بین الاقوامی قانون کے بنیادی اصولوں کی بھی سراسر خلاف ورزی ہے، صدر مملکت
میں حملے…
صدر مملکت کا مزید کہنا تھا کہ عالمی برادری اور اقوام متحدہ کو چاہیے کہ وہ جارح کا احتساب کرے، صورتحال کو مزید بگڑنے سے روکنے کے لیے فوری کارروائی کرے۔
وزیراعظم شہباز شریف نے کہا کہ ایران پر اسرائیلی حملے کی شدید ترین الفاظ میں مذمت کرتا ہوں، حملے میں انسانی جانوں کے ضیاع پر ایرانی عوام کے ساتھ اظہار یکجہتی کرتا ہوں۔
ان کا کہنا تھا کہ اسرائیل کا ایران پر حملہ نہایت غیر ذمہ دارانہ اقدام اور انتہائی تشویشناک ہے، اسرائیل کا یہ مکمل غیر ذمہ دارانہ اقدام خطرے سے دوچار خطے میں مزید عدم استحکام پیدا کرے گا۔
I condemn, in the strongest possible terms, today s unprovoked attack on Iran by Israel. I convey my deepest sympathies to the Iranian people on the loss of lives in this attack. This grave and highly irresponsible act is deeply alarming and risks further de-stabilising an…
— Shehbaz Sharif (@CMShehbaz) June 13, 2025
وزیراعظم شہباز شریف نے مطالبہ کیا کہ ہم بین الاقوامی برادری اور اقوام متحدہ پر زور دیتے ہیں کہ وہ مزید کسی بھی کشیدگی کو روکنے کے لیے فوری اقدامات کریں جس سے علاقائی اور عالمی امن کو نقصان پہنچ سکتا ہے۔
نائب وزیراعظم اسحاق ڈار نے کہا کہ اسلامی جمہوریہ ایران پر اسرائیل کے بلاجواز حملے انتہائی قابل مذمت ہیں، اسرائیل کا حملہ ایران کی خودمختاری کی کھلی خلاف ورزی کے زمرے میں آتاہے۔
Strongly condemn unjustified Israeli attacks on Islamic republic of Iran which is a brazen violation of Iran’s sovereignty. This abhorrent action has shaken foundations of international law as well as conscience of humanity; and gravely undermines regional stability & int’l…
— Ishaq Dar (@MIshaqDar50) June 13, 2025
ان کا کہنا تھا کہ اس گھناؤنے اقدام نے بین الاقوامی قوانین کی بنیادوں کیساتھ ساتھ انسانیت کے ضمیر کو بھی ہلا کر رکھ دیا، اس سے علاقائی استحکام اور بین الاقوامی سلامتی کو بری طرح نقصان پہنچاتا ہے، پاکستان ایران کی حکومت اور عوام کے ساتھ یکجہتی کے ساتھ کھڑا ہے۔
علاوہ ازیں دفتر خارجہ کی جانب سے جاری ایک بیان میں کہا گیا کہ پاکستان ایران کے خلاف اسرائیلی جارحیت کی شدید مذمت کرتا ہے، اسرائیلی حملے ایران کی خودمختاری اور علاقائی سالمیت کی خلاف ورزی ہیں۔
ترجمان دفتر خارجہ نے کہا کہ پاکستان ایرانی عوام کے ساتھ کھڑا ہے، پاکستان اسرائیلی اشتعال انگیزی کی مذمت کرتا ہے، اسرائیلی اشتعال انگیزی پورے خطے کی امن اور استحکام کے لیے خطرہ ہے۔
🔊PR No:1️⃣7️⃣1️⃣/2️⃣0️⃣2️⃣5️⃣
— Ministry of Foreign Affairs - Pakistan (@ForeignOfficePk) June 13, 2025
Pakistan Strongly Condemns Unjustified and Illegitimate Aggression by Israel Against the Islamic Republic of Iran.
🔗⬇️https://t.co/faWxOskKlu pic.twitter.com/NTExr6M6GZ
ان کا کہنا تھا کہ اسرائیلی حملے اقوام متحدہ کے چارٹر اور عالمی قوانین کی خلاف ورزی ہیں، ایران کو اقوام متحدہ کے چارٹر کے آرٹیکل 51 کے تحت اپنے دفاع کا حق حاصل ہے۔
ترجمان نے مزید کہا کہ عالمی برادری اور اقوام متحدہ کی ذمہ داری ہے کہ وہ جنگ بندی کریں، عالمی برادری اور اقوام متحدہ جارحیت کو فوری طور پر روکیں، عالمی برادری اور اقوام متحدہ اسرائیل کو اس حملے کے لیے جوابدہ ٹھہرائیں۔
