انڈیا میں ہندو بلوائیوں نےمسلمان کرکٹر کو قتل کردیا
July, 2 2024
گجرات:(ویب ڈیسک) بھارت کے شہر گجرات میں ایک کرکٹ ٹورنامنٹ کے دوران مذہبی تعصب کے باعث ایک مسلمان کرکٹر کو قتل کردیا گیا۔
ہندو انتہاء پسندوں نے "جے شری رام" کے نعرے لگاتے ہوئے ماحول کو کشیدہ بنا دیا تھا، جس کے بعد یہ واقعہ پیش آیا۔
مسلمان کھلاڑیوں کی کارکردگی پر تشدد:
گجرات میں ہونے والے کرکٹ ٹورنامنٹ میں مسلمان کھلاڑیوں کی بہترین کارکردگی کے باعث ماحول میں تناؤ پیدا ہوگیا۔ ہندوتوا کے حامی غنڈوں نے مسلمان کھلاڑیوں کی کارکردگی کو سراہنے پر سلمان وہرہ نامی تماشائی کو بلے اور چاقو کے وار سے قتل کر دیا۔
نشے میں دھت ہندو بلوائیوں کا حملہ:
میچ کے دوران ہندو انتہا پسندوں نے جے شری رام کے نعرے لگاتے ہوئے مسلم تماشائیوں کو ہراساں کرنا شروع کردیا۔ نشے میں دھت ہندو بلوائیوں نے سلمان وہرہ پر حملہ کیا۔ اسٹیڈیم میں موجود پانچ ہزار تماشائیوں میں سے محض پانچ سو مسلم تماشائی تھے۔
مدد کی اپیل پر بھی بےحسی کا مظاہرہ:
بلوائیوں کے تشدد کے دوران متاثرہ شخص مدد کے لیے پکارتا رہا مگر ہزاروں کے ہجوم میں سے کوئی بھی اس کی مدد کو نہ آیا۔ اس واقعے نے بھارت میں بڑھتی ہوئی مذہبی نفرت اور انتہا پسندی کی جانب توجہ مبذول کرائی ہے۔
عالمی برادری سے اپیل:
مودی کے بھارت میں مسلمانوں کے خلاف بڑھتے ہوئے تشدد کے واقعات پر عالمی برادری کو آواز اٹھانی ہوگی۔ نفرت اور انتہاپسندی کے شکار مسلمانوں کے حق میں بین الاقوامی سطح پر اقدامات کی ضرورت ہے۔
