آئی ایم ایف کی ایک اور شرط پوری،گیس مہنگی
July, 1 2024
اسلام آباد:(ویب ڈیسک ) نئے بیل آؤٹ پیکج کیلئے آئی ایم ایف کی ایک اور پیشگی شرط پوری،وفاقی حکومت کی جانب سے گیس مہنگی کردی گئی۔
تفصیلات کے مطابق وفاقی وزیر خزانہ کی زیر صدارت اقتصادی رابطہ کمیٹی کے ہونے والے اجلاس میں پیٹرولیم ڈویژن کی پیش کی گئی سمری منظور کرلی۔
ای سی سی نے گھریلو صارفین کے لیے گیس کی قیمت برقرار رکھنے کی منظوری دی ، گیس کی نئی قیمتوں کا اطلاق یکم جولائی 2024 سے ہوگا۔
وزارت خزانہ کی جانب سے کیپٹو کے سوا باقی انڈسٹری کے لیے بھی گیس قیمت برقرار رکھنے کا فیصلہ کیا گیا ہے۔
ای سی سی کی جانب سے کیپٹو پاور کےلیے گیس ٹیرف 250 روپے فی ایم ایم بی ٹوجبکہ کیپٹو کے لیے گیس ٹیرف 2750 سے بڑھاکر3 ہزار روپے فی ایم ایم بی ٹی یو کرنے کی منظوری دی گئی ہے۔
ذرائع کے مطابق ٹیکسٹائل سمیت جنرل انڈسٹری یا کیپٹیو پاور پلانٹس کیلئے گیس ٹیرف 2750 روپے سے بڑھا کر 3000 فی ایم ایم بی ٹی یو کر نے کی منظوری دی گئی ہے۔
وزارت خزانہ کے مطابق سوئی سدرن اور سوئی ناردرن گیس کمپنیز کو سالانہ 92 ارب روپےکا اضافی ریونیو ملے گا۔ آئی ایم ایف کے مطالبے پر جنرل انڈسٹری کیلئے جنوری 2025 میں گیس مزید مہنگی کرنے کا بھی پلان زیر غور ہے۔
دونوں کمپنیوں کا مجموعی ریونیو 898 ارب ہدف کے مقابلے 1029 ارب تک پہنچ جائے گا جبکہ دو بار گیس کی قیمتیں بڑھانے سے مجموعی طور پر 132 ارب سے زیادہ اضافی ریونیو ملے گا۔
ضرور پڑھیں
