حبا بخاری ماں بن گئیں
December, 30 2024
لاہور:(ویب ڈیسک)پاکستانی شوبز کی مشہور جوڑی حبا بخاری اور آراز احمد کے ہاں خوشی کا ایک نیا لمحہ آیا ہے، کیونکہ ان کے ہاں پہلی بیٹی کی پیدائش ہوئی ہے۔
دونوں نے حال ہی میں اپنے سوشل میڈیا اکاؤنٹس پر اس خوشخبری کا اعلان کیا اور بتایا کہ یہ خوشی انہیں دو ماہ پہلے نصیب ہوئی۔
حبا بخاری اور آراز احمد نے اپنی بیٹی کا نام "آئینور" رکھا ہے، جس کے معنی ہیں "چاندنی"۔ جوڑے نے اپنے مداحوں کا شکریہ ادا کیا اور اپنی بیٹی کی پیدائش کو ایک رحمت قرار دیا۔ انہوں نے خدا کا شکر ادا کرتے ہوئے کہا کہ اولاد کی نعمت نے ان کی زندگی کو مکمل کر دیا ہے۔
دونوں نے اس بات کی تصدیق کی کہ بچی کی پیدائش دو ماہ قبل ہوئی تھی، لیکن اس خبر کو عوام سے چھپایا گیا تھا۔ تاہم، اب جب کہ خبر عوام تک پہنچی ہے، حبا بخاری اور آراز احمد نے اپنی خوشی کا اظہار کیا اور مداحوں کے نیک خواہشات کا شکریہ ادا کیا۔
اس جوڑی نے یہ بھی نہیں بتایا کہ بیٹی کی پیدائش کہاں ہوئی اور کیوں اس خبر کو دو ماہ تک خفیہ رکھا گیا۔ تاہم، حبا بخاری کی پہلی بار حمل کا اعلان ستمبر 2024 میں ہوا تھا، جب وہ لندن میں ہونے والے ایوارڈز شو میں بے بی بمپ کے ساتھ نظر آئیں۔
حبا بخاری اور آراز احمد نے جنوری 2022 میں شادی کی تھی، اور شادی کے بعد اب ان کی زندگی میں یہ نیا اضافہ ایک خوشی کا موقع بن چکا ہے۔ دونوں کی شادی سے پہلے بھی کچھ عرصے تک تعلقات رہے تھے، اور اب دو سال بعد ان کے ہاں پہلی بیٹی کی پیدائش ہوئی ہے۔
شوبز شخصیات اور مداحوں نے اس جوڑی کو اس خوشی کے موقع پر مبارک باد پیش کی، اور ان کی بیٹی کی پیدائش پر محبتوں کا اظہار کیا۔
