اسکوائڈ گیمز کے آنے والے نئے سیزن کے جاری کردہ ٹیزر میں دیکھایا گیا ہے کہ لوگ گیم میں ریس لگا کر اپنی جان بچا رہے ہیں۔

اسکوئڈ گیمز کا ٹیزر جاری کرتے ہوئے ساتھ ہی ویب سیریز کو 26 دسمبر 2024 کو نیٹ فلکس پر ریلیز کرنے کا اعلان کیا گیا ہے۔

یاد رہے کہ اسکوائڈ گیمز کے مزید 2 سیزن بنانے کی تصدیق نیٹ فلیکس نے 2021 میں ہی تصدیق کردی تھی۔ یہ بھی بتادیا گیا تھا کہ اسکوئڈ گیمز سیریز کا فائنل سیزن سال 2025 میں آئے گا۔

اسکوئڈ گیمز سیریز کے ڈائریکٹر اور رائٹر ہوانگ ڈونگ ہیوک نے پہلے سیزن کی پوری دنیا میں کامیابی کے بعد اس کے مزید دو سیزن بنانے کا بتا دیا تھا اور اب نیٹ فلیکس نے اس کے دوسرے سیزن کو رواں برس ریلیز کرنے کا باضابطہ اعلان کردیا ہے۔

اس ویب سیریز میں بچوں کے کھیل کو ایک خطرناک کھیل میں بدل دیا تھا جسکا تصور ’مارو یا مرجاؤ‘ تھا، اس سیر یز میں دکھایا گیا تھا کہ ایک مقابلہ ہورہا ہے جسکو جیتنے والے کو ایک بڑی رقم بطور انعام ملے گی لہٰذا سارے قرض میں ڈوبے، غربت کے مارے افراد اس مقابلے میں حصہ لینے چلے جاتے ہیں جہاں انکو ایک جان لیوا کھیل کے میدان میں اتاردیا جاتا ہے۔