ملک بھر میں مقامی سیمنٹ کی فروخت تقریباً 3 ملین ٹن تک پہنچ گئی، فی بوری قیمت 1300 سے 1400 روپے کے درمیان رہی۔

مارچ 2025 میں مجموعی طور پر سیمنٹ کی ترسیل 3.569 ملین ٹن رہی، جو گزشتہ سال مارچ کے مقابلے میں 9.48 فیصد کمی کو ظاہر کرتی ہے۔ تاہم قیمتوں میں کمی نے خاص طور پر جنوبی پاکستان میں طلب کو سہارا دیا، جہاں سیمنٹ کی ترسیلات میں 3.96 فیصد اضافہ ہوا اور وہ 1.12 ملین ٹن تک پہنچ گئیں۔

دوسری جانب شمالی علاقوں میں سیمنٹ کی فروخت میں 14.54 فیصد کمی دیکھی گئی، جہاں صرف 2.450 ملین ٹن سیمنٹ کی ترسیل ہو سکی۔

اپریل 2025 کے دوران مختلف سیمنٹ کمپنیوں کی قیمتوں میں تھوڑا بہت فرق رہا۔ فلائنگ پاکستان سیمنٹ کی قیمت 1,325 روپے فی بوری رہی، چرات 1,360، کوہاٹ 1,365، جبکہ لکی سیمنٹ کی قیمت 1,375 روپے رہی۔

پاینیر سیمنٹ کی قیمت 1,380، بیسٹ وے 1,390، اور سب سے زیادہ قیمت ڈی جی خان اور میپل لیف سیمنٹ کی 1,400 روپے فی بوری ریکارڈ کی گئی۔