غزہ پر اسرائیلی جارحیت، ٹینس سٹار اپنے آنسو نہ روک پائیں
![Image](/enews/2022/11/Ttennis-Star-Ons-Jabeur.jpg)
11/3/2023 4:40
لاہور: (سنو نیوز) تیونس کی ٹینس سٹار اُنس جابر نے ڈبلیو ٹی اے فائنل کی انعامی رقم کا کچھ حصہ فلسطینیوں کے لیے عطیہ کرنے کا اعلان کر دیا۔
تیونس کی ٹینس سٹار نے ڈبلیو ٹی اے کے اہم میچ میں کامیابی کے بعد نم آنکھوں کے ساتھ غزہ کی صورت حال کے حوالے سے کہا کہ یہ دل دہلا دینے والا ہے، اس لیے میں نے اپنی انعامی رقم کا کچھ حصہ فلسطینیوں کی مدد کے لیے عطیہ کرنے کا فیصلہ کیا ہے۔
سیزن کے اختتامی چیمپیئن شپ میں اپنی جیت کے بعد کورٹ میں بات کرتے ہوئے اُنس جابر جذباتی ہو گئیں اور اپنے آنسو نہ روک پائیں۔ گرینڈ سلیم فائنل میں پہنچنے والی واحد عرب خاتون نے کہا کہ میں اس جیت سے بہت خوش ہوں لیکن میں کچھ عرصے سے افسردہ ہوں۔
غزہ پر اسرائیلی جارحیت کا تذکرہ کرتے ہوئے نم آنکھوں سے انہوں نے کہا کہ دنیا کے موجودہ حالات پر میں ناخوش ہوں، بچوں کو ہر روز مرتے ہوئے دیکھنا بہت مشکل ہے، یہ دل دہلا دینے والا ہے۔ اس لیے میں نے اپنی انعامی رقم کا کچھ حصہ فلسطینیوں کی مدد کے لیے عطیہ کرنے کا فیصلہ کیا ہے۔
میچ کے بعد اپنی پریس کانفرنس میں 29 سالہ اُنس جابر نے کہا کہ اس صورت حال میں ٹینس پر توجہ مرکوز کرنا ایک چیلنج تھا، میں جتنا ممکن ہو سکتا ہے سوشل میڈیا سے دور رہنے کی کوشش کرتی ہوں لیکن یہ بہت مشکل ہے، آپ (دل خراش) ویڈیوز، تصاویر دیکھتے ہیں، ہر روز ایسی خوفناک تصاویر سامنے آ رہی ہیں، جس سے آپ نہ سو سکتے ہیں، نہ باہر نکل سکتے ہیں اور بدترین چیز یہ ہے کہ میں خود کو نا امید محسوس کرتی ہوں۔
انہوں نے مزید کہا ہوسکتا ہے کہ میری جانب سے کچھ رقم عطیہ کرنے سے ان کے حالات کی بہتری میں کچھ مدد ملے گی، لیکن میں جانتی ہوں کہ رقم کا فی الحال ان کے لیے کوئی مقصد نہیں ہے، اس لیے میں ہر ایک کے لیے آزادی اور امن کی خواہش کرتی ہوں۔
یاد رہے کہ ٹینس سٹار اُنس جابر نے چیک کھلاڑی مارکٹا ونڈروسووا سے ومبلڈن فائنل میں شکست کا بدلہ لیتے ہوئے ڈبلیو ٹی اے کے اہم میچ میں کامیابی حاصل کی تھی۔
واضح رہے میکسیکو میں جاری ٹورنامنٹ کے سیمی فائنل کے لیے کوالیفائی کرنے کے لیے اُنس جابر کو راؤنڈ رابن کے فائنل میچ میں عالمی نمبر دو آئیگا سویاتک کو ہرانا ہوگا۔
![](https://sunonews.tv/wp-content/uploads/2023/11/a-2.jpg)
انہوں نے مزید کہا کہ جو کچھ (غزہ میں ہو رہا ہے) اس وجہ سے میں اس جیت سے خوش نہیں ہو سکتی۔ مجھے افسوس ہے۔ یہاں ٹینس کے بارے میں بات ہونی چاہیے لیکن ہر روز ویڈیوز دیکھ کر میں بہت افسردہ ہوں، مجھے افسوس ہے لیکن یہ کوئی سیاسی پیغام نہیں ہے، یہ صرف انسانیت کے لیے ہے، میں اس دنیا میں امن چاہتی ہوں اور کچھ نہیں۔ٹینس سٹار انس جبیر فلسطینی بچوں کو یاد کرکے رونےلگیں
— Palestine Urdu | فلسطین اردو (@PalestineUrdu_) November 2, 2023
جیت سےزیادہ خوش نہیں۔ ہر روز فلسطینی بچوں کو مرتے دیکھنا بہت مشکل ہے۔ یہ دل دہلا دینےوالا ہے۔ انعامی رقم کا ایک حصہ فلسطین کو عطیہ کررہی ہوں۔ یہ کوئی سیاسی پیغام نہیں، انسانیت ہے۔ انس جبیر کی ڈبلیو ٹی اے فائنل جیتنے کےبعد گفتگو pic.twitter.com/9cDSs3iOZV
![](https://sunonews.tv/wp-content/uploads/2023/11/b.jpg)
![](https://sunonews.tv/wp-content/uploads/2023/11/c.jpg)
404 - Page not found
The page you are looking for might have been removed had its name changed or is temporarily unavailable.
Go To Homepage