Homeتازہ ترینترک صدر رجب طیب ایردوان نے حلف اٹھا لیا

ترک صدر رجب طیب ایردوان نے حلف اٹھا لیا

Recep Tayyip Erdoğan

ترک صدر رجب طیب ایردوان نے حلف اٹھا لیا

انقرہ: (ویب ڈیسک) ترک صدر رجب طیب ایردوان نے حلف اٹھا لیا۔ تقریب میں کثیر تعداد میں عالمی سربراہان اور ممالک کے نمائندوں نے شرکت کی۔

تفصیل کے مطابق 28 مئی کو دوسرے دور میں ہونے والے صدارتی انتخابات میں دوبارہ صدر منتخب ہونے والے رجب طیب ایردوان نے ترکیہ گرینڈ نیشنل اسمبلی میں حلف اٹھا لیا ہے۔

پارلیمنٹ کے عبوری اسپیکر کی حیثیت سے نیشنلسٹ موومنٹ پارٹین کے رہنما دولت باہچے لی نے سب سے پہلے صدر ایردوان کو مینڈیٹ پیش کیا۔ اس کے بعدجناب ایردوان نے جنرل اسمبلی میں حلف اٹھایا۔

اس طرح ایردوان نے 2028 تک جاری رہنے والے اپنے صدارتی منصب کو با ضابطہ طور پر سنبھال لیا ہے۔ ترکیہ گرینڈ نیشنل اسمبلی میں ہونے والی تقریب میں دنیا بھر میں دلچسپی لی گئی۔

نیٹو کے سیکرٹری جنرل یینز اسٹولٹن برگ ،وینزویلا کے صدر نکولس مادورو، پاکستانی وزیر اعظم شہباز شریف ، آذربائیجان کے صدر الہام علییف اور آرمینیا کے وزیر اعظم نکول پشنیان نے تقریب ِ حلف برداری میں شرکت کی۔

ترکیہ کی گرینڈ نیشنل اسمبلی میں صدر کی حلف برداری کی تقریب میں صومالیہ، الجزائر اور بلقان ممالک سے صدارتی سطح پر شرکت کی گئی۔ بعض ممالک کی نمائندگی ان کے وزرائے خارجہ نے کی تو صدر ایردوان کی تقریب حلف برداری میں امریکہ کی نمائندگی سفیر جیفری فلیک نے جبکہ روس کی جانب سے ریاستی دوما کے اسپیکر ویاچسلاوف ولودن نے اپنے ملک کی نمائندگی کی۔

صدر ایردوان غیر ملکی مہمانوں کے اعزاز میں ترکیہ کے مقامی وقت کے مطابق شام 7 بجے قصرِ چنکایہ میں عشائیہ دیں گے جس کے بعد صدر ایردوان کی نئی کابینہ کا اعلان متوقع ہے۔

Share With:
Rate This Article