آگ کے نتیجے میں دونوں کھلاڑیوں کا قیمتی سامان جل کر خاکستر ہوگیا۔

 

اطلاعات کے مطابق، قومی ویمن کرکٹ ٹیم کی کھلاڑی انعم امین کا موبائل فون، لیپ ٹاپ، کپڑے، پرس، نقدی اور دیگر ضروریات کی اشیاء آگ کی لپیٹ میں آ کر مکمل طور پر تباہ ہو گئیں۔

 

 دوسری جانب، ان کی ساتھی کھلاڑی فریحہ محمود کو بھی بھاری نقصان کا سامنا کرنا پڑا، جس میں ان کا لیپ ٹاپ، کپڑے اور دیگر ذاتی سامان شامل تھا۔

 

آگ لگنے کی وجوہات فوری طور پر معلوم نہیں ہو سکیں، تاہم ہوٹل کی مینجمنٹ نے فوری طور پر متاثرہ کھلاڑیوں کو محفوظ مقام پر منتقل کیا۔ کراچی سے تعلق رکھنے والی کھلاڑیوں کو ان کے گھروں میں بھیج دیا گیا، جبکہ دیگر شہروں سے آئی ہوئی کھلاڑیوں کو واپس بھیجنے کے انتظامات جاری ہیں۔

 

یہ واقعہ اس وقت پیش آیا جب کھلاڑی ایک کرکٹ ٹورنامنٹ میں شرکت کے لیے ہوٹل میں مقیم تھیں۔ 

 

متاثرہ کھلاڑیوں نے اس نقصان پر گہرے دکھ کا اظہار کیا اور مینجمنٹ سے واقعے کی تحقیقات اور نقصان کے ازالے کی اپیل کی۔

 

ویمن کرکٹ ٹیم کے مداحوں نے اس واقعے پر افسوس کا اظہار کرتے ہوئے کھلاڑیوں کی مدد کے لیے آواز بلند کی ہے۔ ہوٹل انتظامیہ کی جانب سے تاحال کسی قسم کا باضابطہ بیان جاری نہیں کیا گیا۔