انسٹاگرام پر اذہان کی چھٹی سالگرہ کے موقع پر ثانیہ نے خوشی بھرے لمحات کی تصاویر پوسٹ کیں اور دل سے نکلی باتیں اپنے مداحوں کے ساتھ شیئر کیں۔

 

 

ثانیہ مرزا نے تصاویر شیئر کرتے ہوئے اذہان کو سالگرہ کی مبارکباد دی اور کہا کہ وہ ان کے مسکرانے کی وجہ ہیں۔

 

 اذہان کی سالگرہ کی تقریب میں ایک خاص فٹبال تھیم کیک رکھا گیا تھا جس پر دو فٹبالر کے کردار بنائے گئے تھے۔

 

 ان میں سے ایک فٹبالر کی شرٹ پر اذہان کا نام لکھا ہوا تھا جبکہ دوسرے کردار پر معروف فٹبالر رونالڈو کا نام موجود تھا۔ یہ منفرد کیک اور تقریب اذہان کی فٹبال کے ساتھ محبت کو ظاہر کرتی ہے۔

 

 

دیگر تصاویر میں ثانیہ مرزا اپنے بیٹے کو گود میں اٹھائے ہوئے نظر آئیں، جبکہ ایک تصویر میں انہیں اذہان کو گلے لگائے اور گال پر بوسہ دیتے ہوئے دیکھا جا سکتا ہے۔ ان خوشگوار لمحوں کی تصاویر نے مداحوں کو ثانیہ کی اپنے بیٹے کے لیے بےپناہ محبت کا ایک جھلک دکھائی، جس پر سوشل میڈیا صارفین نے بھی اذہان کو سالگرہ کی مبارکباد اور نیک تمنائیں دیں۔

 

 

 

 

واضح رہے کہ ثانیہ مرزا نے 2010 ء میں پاکستانی کرکٹر شعیب ملک سے شادی کی تھی، جس سے ان کا ایک بیٹا اذہان 2018ء میں پیدا ہوا۔

 

 تاہم، 2023 ءمیں ثانیہ اور شعیب کے درمیان علیحدگی ہوگئی۔ شعیب ملک نے بعد میں پاکستانی اداکارہ ثناء جاوید سے شادی کر لی۔

 

 علیحدگی کے بعد، ثانیہ مرزا دبئی میں اپنے والدین کے ساتھ مقیم ہیں اور سوشل میڈیا پر کافی متحرک نظر آ رہی ہیں۔

 

 

شعیب ملک سے علیحدگی کے بعد، ثانیہ مرزا نے اپنی زندگی کو مثبت انداز میں آگے بڑھایا ہے۔ 

 

وہ سوشل میڈیا پر اپنے اور اذہان کے لمحات شیئر کرتی ہیں، جس سے ان کی بیٹے کے ساتھ خصوصی وابستگی کا اظہار ہوتا ہے۔ ان کی پوسٹس نے مداحوں کو ان کے نئے سفر میں حمایت دینے پر مجبور کیا ہے۔