ثانیہ مرزا نے سماجی رابطے کی ویب سائٹ انسٹاگرام پر اپنا مون سون کا رنگین لُک شوٹ پوسٹ کیا جو دیکھتے ہی دیکھتے سوشل میڈیا پر وائرل ہوگیا ہے۔
شعیب ملک سے طلاق لینے کے بعد بیٹے اذہان کے ہمراہ دبئی میں مقیم ہیں اور آج کل سوشل میڈیا ویب سائٹس کا بھرپور استعمال کررہی ہیں اور اپنے چاہنے والوں کو اپنی لائف اپڈیٹس دے رہی ہیں۔
دیدہ زیب ملبوسات کے انتخاب کے باعث سوشل میڈیا پر پسند کی جانے والی ثانیہ مرزا ٹینس کورٹ کے اندر بھی اور باہر بھی اپنی کرشماتی شخصیت کا جادو جگانے میں ہمیشہ ہی کامیاب رہی ہیں۔
ٹینس کھلاڑیوں میں سب سے زیادہ فیشن ایبل سمجھے جانے والی ایتھلیٹ ثانیہ مرزا کو جنوبی ایشیا میں اسٹائل گرو کے طور پر بھی جانا جاتا ہے۔
تجربہ کار ٹینس اسٹار نے فروری 2023 میں پروفیشنل ٹینس سے ریٹائرمنٹ لے لی تھی مگر اب وہ ایک فیشن آئیکون کے طور پر ابھر رہی ہیں۔
ثانیہ مرزا نے اپنی تصاویر سماجی رابطے کی ویب سائٹ انسٹاگرام پر شیئر کی تھیں، جس میں انکو رینبو ڈریس میں دیکھا جاسکتا ہے۔
انہوں نے کیپشن میں فرانسیسی آرٹسٹ پاؤل سیزن کا ایک قوٹ لکھا جس میں لکھا کہ ’ہم افراتفریح کے رینبو میں جی رہے ہیں۔
