اردن کے رائل انسٹیٹیوٹ آف اسٹریٹجک اسٹڈیز نے دنیا کے 500 بااثر مسلمانوں کی سالانہ فہرست جاری کی، جس میں مفتی تقی عثمانی کو علمی و دینی خدمات کے اعتراف میں دوسرا نمبر دیا گیا۔

فہرست کے مطابق قطر کے امیر شیخ تمیم بن حمد آل ثانی اس سال کی سب سے بااثر مسلم شخصیت قرار پائے ہیں، جبکہ مفتی تقی عثمانی کی علمی بصیرت، فقہی رہنمائی اور اسلامی مالیات کے فروغ میں کردار کو عالمی سطح پر سراہا گیا ہے۔

رپورٹس کے مطابق مشہور مبلغ مولانا طارق جمیل بھی مسلم دنیا کی 50 بااثر ترین شخصیات میں شامل ہیں۔ فہرست میں سعودی عرب کے شاہ سلمان بن عبدالعزیز، ولی عہد شہزادہ محمد بن سلمان، برکینا فاسو کے صدر کیپٹن ابراہیم تراورے، ایران کے سپریم لیڈر آیت اللّٰہ علی خامنہ ای، اردن کے بادشاہ شاہ عبداللہ دوم اور ترکیہ کے صدر رجب طیب اردوان بھی شامل ہیں۔

یہ بھی پڑھیں:خطرناک بیماریوں میں مبتلا افراد پر حج کی پابندی

دنیا کی 500 بااثر مسلم شخصیات کی فہرست میں شامل پاکستانی شخصیات میں بانی چئیرمین پاکستان تحریک انصاف (پی ٹی آئی) عمران خان، وزیراعظم شہباز شریف، فیلڈ مارشل سید عاصم منیر، میر شکیل الرحمان، حامد میر، حافظ نعیم الرحمان، عمران خان، ڈاکٹر عمر سیف، ملالہ یوسفزئی اور دیگر ممتاز شخصیات شامل ہیں۔

واضح رہے کہ یہ فہرست عالمی سطح پر مسلم رہنماؤں کے علمی، سماجی اور سیاسی اثر و رسوخ کی بنیاد پر تیار کی گئی ہے۔