پنجاب حکومت کی جانب سے وزیراعلیٰ پنجاب مریم نواز کے ویژن کے تحت ینگ ایگریکلچر گریجوایٹس کے لیے منفرد پروگرام جاری ہے جس کے دوسرے مرحلے کا آغاز ہو گیا ۔

ینگ ایگریکلچر گریجویٹس پروگرام کے تحت 2ہزارگریجوایٹ انٹرنز کو ماہانہ 60 ہزار روپے وظیفہ دیا جائے گا، پروگرام کے تحت بی ایس سی ایگریکلچر اور بی ایس سی (آنرز) ایگریکلچر ل انجینئرنگ کرنے والے طلباء انٹرن شپ پروگرام سے مستفید ہو سکیں گے۔

سی ایم انٹرن شپ پروگرام میں شامل ہونے خواہشمند طلبہ اپنے متعلقہ ضلع میں ڈپٹی ڈائریکٹر زراعت (توسیع) کے آفس میں درخواست جمع کرواسکتے ہیں جبکہ ایگریکلچرل انٹرن شپ پروگرام کیلئے ہیلپ لائن کوبھی فعال کر دیا گیا ہے۔

یہ بھی پڑھیں: اورنج لائن میٹرو ٹرین میں 3 ماہ کی انٹرن شپ کا آغاز

پنجاب حکومت کی جانب سے بی ایس سی ایگریکلچر اوربی ایس سی ایگریکلچرل انجینئرنگ گریجوایٹس کے لیے ہر ضلع کا کوٹہ مختص کیا گیا ہے ۔

اس حوالے سے وزیراعلیٰ پنجاب مریم نواز کا کہنا تھا کہ ایگریکلچر انٹرن شپ پروگرام سے نا صرف کاشتکاروں کی معاونت کی جاتی ہے بلکہ نوجوانوں کو باعزت روزگاربھی مل رہا ہے، پنجاب میں کسان کارڈ پروگرام نے کامیابی کے نئے ریکارڈ قائم کیے ہیں۔

مریم نواز کا مزید کہنا تھا کہ کاشتکار بھائیوں کے لئے گرین ٹریکٹرز اور ٹیوب ویل سولرائزیشن پروگرامز بھی کامیابی سے جاری ہیں، کاشتکاروں کو تمام سہولتیں ایک ہی چھت تلے فراہم کرنے کے لیے ماڈل ایگریکلچر مال کا قیام بھی عمل میں لایا جارہا ہے۔