مسلم لیگ ن کی رکن اسمبلی راحیلہ خادم حسین نے قرارداد پنجاب اسمبلی سیکرٹریٹ میں جمع کروائی۔

قرارداد کے متن میں لکھا گیا کہ بچے کسی بھی قوم کا مستقبل ہوتے ہیں اور ان کی ذہنی و سماجی تربیت کی اولین ذمہ داری حکومت کی ہوتی ہے، موجودہ دور میں موبائل اور سوشل میڈیاکی بدولت بچوں کے ذہن اور اخلاقی اقدار بری طرح متاثر ہو رہے ہیں۔

یہ بھی پڑھیں: اپوزیشن کے 26 معطل اراکین بحال، نوٹیفکیشن جاری

متن میں لکھا گیا کہ حکومت کو اس سماجی مسئلہ کو سنجیدگی کے ساتھ حل کرنےکا لائحہ عمل تیار کرنا چاہیے، پہلے قدم کے طورپر یہ ایوان تجویز کرتا ہے کہ تمام پرائیویٹ اور پبلک سکولز میں طلبا کے موبائل فون کے استعمال پر مکمل پابندی لگائی جائے۔

پنجاب اسمبلی میں جمع کرائی گئی قرارداد میں مزید کہا گیا کہ بچوں کے سوشل میڈیا اکاؤنٹس کے بارے میں قانون سازی کی جائے۔