تفصیلات کے مطابق یہ ایئر شو دنیا کا سب سے بڑا فوجی فضائی مظاہرہ تصور کیا جاتا ہے جو رائل ایئر فورس بیس فیئر فورڈ میں جاری ہے۔

ترجمان پاک فضائیہ کے مطابق JF-17 تھنڈر بلاک-تین اور C-130 ہرکولیس ٹرانسپورٹ طیارے پر مشتمل پاکستانی فضائی دستہ برطانیہ پہنچ چکا ہے۔ ترجمان نے کہا کہ ریاٹ میں شرکت پاک فضائیہ کی پیشہ ورانہ صلاحیت، آپریشنل مہارت اور ملکی دفاعی صنعت کی مضبوطی کو دنیا کے سامنے اجاگر کرنے کا ایک موقع ہے۔

مزیدبرآں تھنڈر بلاک-تین JF-17 ایک جدید  جنریشن کا  4.5بہت سے مقاصد لیے ایک لڑاکا طیارہ ہے جو پاکستان اور چین کے اشتراک سے تیار کیا گیا ہے۔ یہ طیارہ جدید ریڈار، بیاند ویژوئل رینج میزائل سسٹم، ہیلمٹ ٹارگٹنگ اور ڈیجیٹل فلائی بائی وائر کنٹرولز سے لیس ہے۔ پاک فضائیہ نے اس طیارے کو 2020 ء میں  اپنے بیڑے میں شامل کیا تھا اور اس کی مقامی سطح پر تیاری بھی جاری ہے۔

یہ بھی پڑھیں: 24 گھنٹے گھر بیٹھے شناختی کارڈ کی معلومات اپ ڈیٹ کریں

ذرائع کے مطابق بلاک-تین ورژن کو حالیہ پاکستان و بھارت فضائی کشیدگی میں بھی استعمال کیا گیا ہے جہاں اس نے اپنی جنگی صلاحیتوں کا بھرپور مظاہرہ کیا۔ دفاعی ماہرین کے مطابق اس طیارے کی ریاٹ میں شرکت عالمی سطح پر پاکستان کی فضائی طاقت اور دفاعی خود انحصاری کا بھی مظہر ہے۔

واضح رہے کہ پاکستان 2006 سے ریاٹ ایئر شو میں باقاعدگی سے شرکت کر رہا ہے۔ تاہم یہ پہلا موقع ہے کہ بلاک-تین ورژن کو مغربی دنیا میں عوامی لیول پر پیش کیا جا رہا ہے۔