ابتدائی رپورٹ کے مطابق، یہ ہلاکتیں کھانے پینے کی اشیاء کے باعث نہیں ہوئیں بلکہ گاڑی میں موجود مختلف ادویات کی موجودگی کا انکشاف ہوا ہے۔

 

ڈی جی فوڈ اتھارٹی عاصم جاوید نے کہا ہے کہ ابتدائی شواہد کے مطابق ہلاکتیں فوڈ پوائزننگ کی وجہ سے نہیں لگتیں۔ ہلاکتوں کی اصل وجہ کا تعین پولیس اور فرانزک سائنس ایجنسی کی رپورٹ کے بعد ہی ممکن ہو سکے گا۔

 

فوڈ سیفٹی ٹیموں نے فوری طور پر ملحقہ علاقوں سے جوس اور دیگر کھانے پینے کی اشیاء کے سیمپل اکٹھے کر لیے ہیں۔ ڈی جی فوڈ اتھارٹی کے مطابق، ملحقہ اضلاع اور موٹروے ریسٹ ایریاز سے حاصل کردہ تفصیلات میں کوئی اور فوڈ پوائزننگ کا واقعہ سامنے نہیں آیا۔

 

ابتدائی تحقیقات میں یہ بات سامنے آئی ہے کہ برآمد شدہ اشیاء نہ تو ایکسپائر تھیں اور نہ ہی جعلی، بلکہ ان کا تفصیلی جائزہ لیا گیا ہے۔ ڈی جی فوڈ اتھارٹی نے کہا ہے کہ فوڈ اتھارٹی، پولیس اور فرانزک ٹیمیں مل کر اس واقعے کی تمام پہلوؤں سے تحقیقات کر رہی ہیں اور تفصیلی رپورٹ آنے کے بعد مزید کارروائی عمل میں لائی جائے گی۔

 

عاصم جاوید نے مزید کہا کہ قومی شاہراہوں، موٹرویز، جی ٹی روڈ، بس اسٹینڈز، اور ریلوے اسٹیشنز پر فوڈ پوائنٹس کی مسلسل چیکنگ جاری ہے تاکہ عوام کی صحت اور حفاظت کو یقینی بنایا جا سکے۔