بیرسٹر محمد علی سیف نے اپنے ایک بیان میں کہا ہے کہ اس ملاقات کے بعد نواز شریف کیمپ میں ہل چل مچ گئی ہے اور اطلاعات ہیں کہ نواز شریف نے اپنی ٹیم کو مذاکرات ناکام بنانے کا مشن سونپ دیا ہے۔

انہوں نے مزید کہا کہ حکومت کی مذاکراتی کمیٹی کو غیر مؤثر بنانے کی کوششیں شروع ہو چکی ہیں، ایسے عناصر سرگرم ہیں جو ملک میں سیاسی استحکام کی راہیں کھلتے ہوئے نہیں دیکھنا چاہتے۔

ان کا کہنا تھا کہ پاکستان تحریک انصاف ملک میں امن و امان قائم کرنے کیلئے مذاکرات کی راہ پر چل رہی ہے، جبکہ غیر منتخب ٹولہ اپنے اقتدار کو بچانے کیلئے ان مذاکرات کو ناکام بنانے کی کوشش کر رہا ہے۔

بیسرٹر سیف نے حکومت کے وزیروں سے اپیل کی کہ وہ اپنے حلف کا پاس رکھتے ہوئے پاکستان تحریک انصاف (پی ٹی آئی) اور عسکری قیادت کے درمیان ملاقات پر سیاست نہ کریں۔ اس وقت ملک کو سیاسی استحکام کی ضرورت ہے اور ایسے اقدامات سے صرف ملک کی بہتری کی طرف قدم بڑھایا جا سکتا ہے۔