مریم نواز کا 3200 صحافیوں کو پلاٹ فراہم کرنے کا فیصلہ
Chief Minister Punjab Maryam Nawaz has decided to provide plots to 3200 journalists
لاہور: (سنو نیوز) وزیراعلیٰ پنجاب مریم نواز نے 3200 صحافیوں کو پلاٹ فراہم کرنے کا فیصلہ کرلیا۔ انہوں نے وزارت اطلاعات کو جرنلسٹ کالونی لاہور فیز ٹو کے لیے فوری اقدامات کرنے کا حکم دے دیا۔

وزیراعلی پنجاب مریم نواز شریف کا صحافی برادری کے لیے تاریخی اقدام سامنے آیا ہے۔ وزیراعلی پنجاب مریم نواز سے وزیر اطلاعات عظمی بخاری کی ملاقات ہوئی جس میں انہوں نے صحافیوں کو پلاٹ کی جلد از جلد فراہمی کے لیے تمام قانونی جلد پورے کرنے کا حکم دے دیا۔

مریم نواز نے وزیر اطلاعات پنجاب عظمی بخاری کو جرنلسٹ ہاؤسنگ سکیم فیز ٹو کی کاروائی جلد مکمل کرنے کی ہدایت کرتے ہوئے کہا کہ صحافی اور حکومت ایک گاڑی کے دو پہیے ہیں، صحافیوں کو پلاٹ دے کر احسان نہیں کر رہے یہ ان کا حق ہے، تمام صحافیوں کو میرٹ اور قانونی تقاضے پورے کرنے کے بعد پلاٹس دیے جائیں گے۔

وزارت اطلاعات پنجاب نے لاہور پریس کلب کے علاؤہ دیگر لاہور کے صحافیوں سے درخواستیں طلب کرنے کا فیصلہ کرلیا۔ اس حوالے سے اگلے دو تین روز میں باقاعدہ اشتہار جاری کیا جائے گا۔