نجی چینل سے گفتگو کے دوران مشیراطلاعات خیبرپختونخوا بیرسٹر محمد علی سیف نے کہا ہے کہ کل پاکستان تحریک انصاف کے کارکنوں پر براہ راست شیلنگ  اور فائرنگ برسائی گئی۔

بیرسٹر محمد علی سیف نے کہا کہ شیلنگ کرنے پر خیبرپختونخوا حکومت عدالت میں جائے گی، جبکہ ایڈووکیٹ جنرل کے پی سے قانونی کارروائی سے متعلق کہا جائے گا۔ 

انہوں نے مزید کہا کہ پُرامن کارکنوں پر اس طرح شیلنگ اور فائرنگ کرنا کہاں کا قانون ہے؟ قانون کی پاسداری کوئی خیبرپختونخوا حکومت سے سیکھے،کل وزیر اعلیٰ سردار علی امین گنڈاپور نے جس طرح پنجاب پولیس اہلکاروں کو محفوظ بنایا وہ سب کے سامنے ہی ہے۔