مناہل نے اپنی تازہ پوسٹ میں واضح کیا کہ اب وہ پہلے جیسی نہیں رہیں اور مضبوطی کے ساتھ زندگی کا سامنا کر رہی ہیں۔

 

 

انسٹاگرام پر اپنی پوسٹ میں مناہل نے مداحوں کو مخاطب کرتے ہوئے لکھا، "مجھے امید ہے کہ آپ سب اچھے ہوں گے۔ غلطیاں سب سے ہوتی ہیں، لیکن دنیا نے میری شخصیت کو نہیں بلکہ میری غلطیوں کو دیکھا۔" انہوں نے مزید کہا کہ ان کے مداح اور خاندان انہیں واپسی کے لیے کہہ رہے تھے، اور یہی ان کے لیے حوصلے کا ذریعہ بنا۔

 

 

مناہل نے دنیا کی سختی کا شکوہ کرتے ہوئے کہا، "یہ دنیا کسی کو جینے نہیں دیتی۔" انہوں نے مزید لکھا کہ اب وہ کسی کے بھی تبصروں یا باتوں کی پروا نہیں کرتی ہیں۔ "میں اب بہت مضبوط ہو چکی ہوں اور کسی کی بکواس باتوں سے مجھے کوئی فرق نہیں پڑتا۔"

 

 

 

اس سے قبل مناہل ملک پر مبینہ طور پر نامناسب ویڈیوز وائرل کرنے کا الزام لگایا گیا تھا، جس پر انہوں نے واضح کیا تھا کہ یہ ویڈیوز جعلی ہیں اور انہیں ایڈٹ کرکے پھیلایا گیا ہے۔ تاہم، سوشل میڈیا پر کچھ افراد نے دعویٰ کیا تھا کہ مناہل نے خود یہ ویڈیوز وائرل کیں، جس کی وہ بارہا تردید کر چکی ہیں۔

 

 

مناہل نے اپنے انسٹاگرام اسٹوریز میں مداحوں کا شکریہ ادا کرتے ہوئے معافی طلب کی اور کہا، "یہ زندگی بہت مختصر ہے، اپنوں کے ساتھ رہا کریں اور غلطیوں کو معاف کیا کریں۔" انہوں نے تعاون کرنے پر اپنے چاہنے والوں کا شکریہ ادا کیا اور کہا کہ وہ امید کرتی ہیں کہ انہیں دوبارہ کبھی کسی کے سامنے اپنا چہرہ نہ دکھانا پڑے۔

 

 

مناہل ملک نے اپنی پوسٹ میں یہ عزم ظاہر کیا کہ اب وہ پہلے سے مختلف اور مضبوط شخصیت بن چکی ہیں۔ ان کا کہنا تھا کہ ان کی زندگی میں جو بھی ہوا، وہ اسے پیچھے چھوڑ کر آگے بڑھنے کا ارادہ رکھتی ہیں۔