اداکارہ نے اتوار کے روز اپنے انسٹاگرام اکاؤنٹ پر پری کرسمس پارٹی کی تصاویر شیئر کی تھیں،جو دیکھتے ہی دیکھتے سوشل میڈیا پر وائرل ہو گئی ہیں۔
پریانکا چوپڑا نے اپنے آفیشل اکاؤنٹ انسٹاگرام پر ایک خوبصورت پوسٹ شیئر کی،جس میں بہت سی تصاویر شامل تھیں۔ان میں سے ایک تصویر میں وہ اپنے منیجر انجولا اچاریہ اور پاکستان کی معروف پروڈیوسر شرمین عبید چنائے کے ساتھ نظر آ رہی ہیں۔
اس تصویر کے ساتھ انہوں نے کیپشن میں لکھا کہ بڑے لوگوں کے ساتھ ایک شاندار رات اور ساتھ ہی سرخ دل اور چمچ کی ایموجی بھی استعمال کی۔
واضح رہے کہ پریانکا چوپڑا نے اس موقع کیلئے سفید ٹاپ اور میچنگ منی اسکرٹ پہنی رکھی تھی، جس کے ساتھ ایک خوبصورت فر جیکٹ اور نہایت خوبصورت منی بیگ بھی تھا،اس کے ساتھ ساتھ لمبی بوٹس نے ان کی شخصیت کو مزید نکھار دیا۔
مداحوں نے پریانکا چوپڑا کی خوبصورتی اور اسٹائل کو سراہا اور کمنٹس میں ان کی شخصیت کو منفرد اور دلکش قرار دے دیا۔ ایک مداح نے لکھا کہ ہمیشہ کی طرح شاندار،جبکہ دوسرے نے کہا کہ آپ کی شخصیت اور آراء مختلف ہیں،آپ کا انداز بے مثال ہے اور شاندار ہے۔
خیال رہے کہ اس وقت پریانکا چوپڑا اپنے مشہور سیریز سیٹڈیل کے سیزن 2 کی شوٹنگ میں مصروف ہیں اور اس کے ساتھ ہی اپنی دیگر پروجیکٹس کی تیاریوں میں مصروف ہیں۔
