اعجاز اسلم، جو دو دہائیوں سے پاکستانی ڈرامہ اور فلم انڈسٹری سے وابستہ ہیں، نے اپنے سوشل میڈیا اکاؤنٹ کے ذریعے اس دکھ بھری خبر کا اعلان کیا۔ اداکار ناصرف اپنی شاندار اداکاری کے لیے بلکہ اپنی فٹنس اور عوامی مقبولیت کی وجہ سے بھی جانے جاتے ہیں۔

 

 

اعجاز اسلم نے انسٹاگرام پر اپنی والدہ کی تصویر شیئر کرتے ہوئے ان کے انتقال کی خبر دی۔ انہوں نے جذباتی انداز میں لکھا کہ "میری خوبصورت ماں اس دنیا سے رخصت ہو گئی ہیں۔ میری ماں کی مہربانی، محبت اور دانش ہمیشہ میرے دل میں زندہ رہے گی۔ ہم اس نقصان پر انتہائی غمزدہ ہیں۔"

 

 

 

 

اس دل خراش لمحے میں اعجاز اسلم نے اپنے چاہنے والوں اور مداحوں سے بھی دعا کی درخواست کی ہے۔ انہوں نے اپنی پوسٹ میں اپنی والدہ کی مغفرت اور بلند درجات کے لیے دعا کرنے کی اپیل کی۔

 

 

اعجاز اسلم کی والدہ کے انتقال کی خبر سوشل میڈیا پر وائرل ہونے کے بعد فنکار برادری سمیت ان کے مداحوں کی جانب سے افسوس اور تعزیت کے پیغامات کا سلسلہ شروع ہو گیا ہے۔ متعدد ساتھی اداکاروں اور شوبز شخصیات نے بھی سوشل میڈیا پر اعجاز اسلم اور ان کے اہل خانہ کے لیے صبر کی دعا کی۔

 

 

اعجاز اسلم کا شمار پاکستانی انڈسٹری کے مقبول ترین اور باصلاحیت اداکاروں میں ہوتا ہے۔ انہوں نے اپنی اداکاری کے سفر میں کئی کامیاب ڈراموں اور فلموں میں یادگار کردار ادا کیے ہیں۔ اپنے کام کی بنا پر اعجاز اسلم نے نا صرف پاکستان میں بلکہ بین الاقوامی سطح پر بھی شہرت حاصل کی ہے۔

 

اس مشکل وقت میں ان کے مداح اور دوست ان کے ساتھ ہیں اور ان کے لیے صبر و تحمل کی دعا کر رہے ہیں۔