ڈیفنس پولیس کے مطابق قیدی نمبر 804 کی نمبر پلیٹ گاڑی پر ڈیفنس سی کے علاقے میں معروف ٹک ٹاکر و شہری ندیم مبارک کے خلاف مقدمہ درج کیا گیا۔ مقدمہ وہیکل آڑدیننس کی خلاف ورزی کرنے پر پولیس نے اپنی مدعیت میں درج کیا۔

مشہور ٹک ٹاکر اور شہری ندیم مبارک نے گاڑی کی پچھلی نمبر پلیٹ پر آئی کے 804 لکھ ہوا تھا۔ ندیم مبارک نے بانی چئیرمین پی ٹی آئی عمران خان کی محبت میں قیدی نمبر 804 کی نمبر پلیٹ لگائی۔ ندیم مبارک نے دانستہ طور پر یہ نمبر پلیٹ لگائی۔ غلط نمبر پلیٹ لگانے پر پولیس نے ندیم کو حراست میں لیا۔

یاد رہے کہ معروف و مشہور ٹک ٹاکر ندیم نانی والا ٹک ٹاک پر مہنگی گاڑیاں استعمال کرنے اور اپنی دولت کی نمائش کرنے سے مشہور ہیں، وہ اکثر اوقات آئی فون بانٹنے کے دعوے بھی کرتے دکھائی دیتے ہیں۔