بدو بدی کا مطلب کیا ؟فواد چودھری نے بتادیا
June, 13 2024
لاہور :(ویب ڈیسک )چاہت فتح علی خان کا گانا بدو بدی وائرل ہونے اور لاکھوں ویوز سمیٹنے کے بعد یوٹیوب سے ڈیلیٹ ہوچکا ہے لیکن "بدوبد ی"کے مطلب کے حوالے سے لوگ شش وپنج کا شکار تھے لیکن سابق وفاقی وزیر فواد چودھری نے بدو بدی کا مطلب بتا دیا ہے ۔
چاہت فتح علی خان کا یہ گانا 1973 میں ریلیز ہونے والی پاکستانی فلم ’بنارسی ٹھگ‘ کے گانے ’اکھ لڑی بدو بدی‘ کا ریمیک ہے،اوریجنل گانے کو لیجنڈری سنگر نور جہاں نے گایا تھا۔اس گانے کے بعد سماجی رابطوں کی ویب سائٹ ایکس پر نئی بحث چھڑ گئی ہے جس میں صارفین ’بدو بدی‘ لفظ کا مطلب کیا ہے، اس پر گفتگو کر رہے ہیں۔
اس بحث میں جہاں عام سوشل میڈیا صارفین نے اپنا حصہ ڈالتے ہوئے مطلب بتانے کی کوشش کی تو وہیں سابق وفاقی وزیر فواد چودھری نے بھی اس بحث میں شامل ہوتے ہوئے صارفین کو بتایا کہ ’بدو بدی کا مطلب ہے مرضی کے بغیر۔ زبردستی، کچھ ایسا جس پر آپ کا کوئی اختیار نہ ہو۔
نور جہاں کے گانے میں اس تناظر میں کہا گیا ہے کہ آنکھوں پر اختیار نہ رہا، میری آنکھیں میرے محبوب کو ڈھونڈ رہی ہیں۔‘
اسی پوسٹ پر ایک اور صارف نے لکھا کہ ’تو یہاں پر ایک اختلاف پیدا ہو گیا ہے۔ میں اور میرے ایک انڈین پنجابی دوست بھی میرے ساتھ متفق ہیں کہ بدو بدی کا مطلب چھیتی چھیتی یعنی جلدی جلدی ہے۔ میرے شوہر کہتے ہیں کہ اس کا مطلب ایویں یعنی ’بغیر کسی وجہ کے‘ ہے۔ پنجابی حضرات اس پر روشنی ڈالیں۔‘
واضح رہے چاہت فتح علی خان نے ملکہ ترنم نور جہاں کے شہرہ آفاق گیت ’اکھ لڑی بدوبدی‘ کو اپنے انداز میں پیش کیا، نے یوٹیوب پر نئے ریکارڈ قائم کیے۔
یہ ویڈیو 9 اپریل کو پوسٹ کی گئی تھی اور صرف دو ماہ میں اسے 2 کروڑ 80 لاکھ مرتبہ دیکھا گیا۔
وائرل ویڈیو کی کامیابی اور کاپی رائٹس کلیم:
یہ ویڈیو جب تک یوٹیوب پر موجود رہی، تیزی سے ویوز حاصل کر رہی تھی، لیکن بعد میں اسے کاپی رائٹس کلیم کی وجہ سے یوٹیوب سے ہٹا دیا گیا۔
لیکن میڈیا رپورٹس کے مطابق اس ویڈیو کو ہٹائے جانے کے باوجود چاہت فتح علی خان کی مالی حالت پر کوئی خاص اثر نہیں پڑا۔
ان کی مقبولیت اور یوٹیوب سے حاصل ہونے والی آمدنی نے انہیں مالی طور پر مستحکم بنا دیا ہے۔
چاہت فتح علی خان کی موجودہ دولت:
ٹائمز آف انڈیا کے مطابق، اس وقت چاہت فتح علی خان کے پاس تقریباً 14 کروڑ 5 لاکھ پاکستانی روپے کی دولت ہے۔ دوسری طرف، ویب سائٹ WealthyScoop.com کے مطابق، ان کے پاس 6 کروڑ بھارتی روپے (تقریباً 20 کروڑ 22 لاکھ پاکستانی روپے) کی دولت موجود ہے۔
ان اعداد و شمار سے ظاہر ہوتا ہے کہ چاہت فتح علی خان کی مالی حالت کافی مضبوط ہے اور وہ مختلف ذرائع سے آمدنی حاصل کر رہے ہیں۔
یوٹیوب ویڈیوز سے آمدنی:
یوٹیوب پر وائرل ہونے والی ویڈیوز سے آمدنی مختلف ہو سکتی ہے۔ 2 کروڑ 80 لاکھ ویوز سے اوسطاً 7 ہزار ڈالر سے 1 لاکھ 12 ہزار ڈالر تک کی آمدنی ہو سکتی ہے۔
اگرچہ یوٹیوب سے ’بدوبدی‘ ویڈیو کو ہٹائے جانے سے چاہت فتح علی خان کو تقریباً 30 لاکھ 34 ہزار پاکستانی روپے) کا نقصان ہوا، لیکن یہ نقصان ان کی مجموعی دولت کا صرف 2.2 فیصد بنتا ہے۔
مالی استحکام اور مستقبل کے منصوبے:
چاہت فتح علی خان کی مالی حالت پر نظر ڈالیں تو معلوم ہوتا ہے کہ انہوں نے اپنی ویڈیوز کی مقبولیت سے کافی فائدہ اٹھایا ہے۔
ان کی دولت اور مالی استحکام کا سبب ان کی ویڈیوز کی کامیابی اور یوٹیوب سے حاصل ہونے والی آمدنی ہے۔
اگرچہ ان کی ویڈیوز کاپی رائٹس کلیم کی وجہ سے ہٹائی گئی ہیں، لیکن ان کے مستقبل کے منصوبوں میں مزید ویڈیوز بنانا اور اپنی مقبولیت کو برقرار رکھنا شامل ہے۔
چاہت فتح علی خان کی کہانی اس بات کا ثبوت ہے کہ سوشل میڈیا اور یوٹیوب جیسے پلیٹ فارمز پر وائرل ہونے والی ویڈیوز کیسے کسی کی زندگی کو بدل سکتی ہیں۔
ان کی مالی حالت اور مقبولیت نے انہیں ایک مضبوط شخصیت بنایا ہے، جو اپنی منفرد انداز اور گلوکاری کے ذریعے مزید کامیابیاں حاصل کر سکتے ہیں۔
ان کی موجودہ دولت اور مالی استحکام انہیں مستقبل میں بھی کامیابی کے راستے پر گامزن رکھے گا۔
