ڈالر ایک بار پھر مہنگا

کراچی: (سنو نیوز) کرنسی مارکیٹ میں روپے کی بے قدری کا تسلسل جاری ہے۔انٹربینک میں ڈالر مزید 52پیسے مہنگا ہو کر دو سو ستاسی روپے پچپن پیسے پر بند ہوا۔ اوپن مارکیٹ میں ڈالر کی قیمت ایک روپیہ اضافے کے بعد 289 روپے پر جا پہنچی۔

یورو 307 روپے پر برقرار ہے۔ برطانوی پاؤنڈ 50 پیسے کمی سے 356 روپے پر آگیا،اماراتی درہم 20 پیسے کم ہوکر 80.30 روپے پر آ گیا جبکہ سعودی ریال 30 پیسے اضافے سے 77 روپے کا ہوگیا ہے۔

دوسری جانب بینکوں کے ڈپازٹس اور سرمایہ کاری میں مسلسل اضافہ ہوا ہے، سالانہ اور ماہانہ بنیادوں پر بینکوں کے ڈپازٹس میں اضافہ ہوا، اکتوبر میں بینک ڈپازٹس 17.8 فیصد سالانہ اضافے سے 26.39 کھرب روپے پر پہنچ گئے۔

اکتوبر 2022 ء میں بینکوں کے ڈپازٹس 22.4 کھرب روپے رہے تھے، ماہانہ بنیادوں پر بینک ڈپازٹس میں 0.3 فیصد اضافہ رہا، ستمبر 2023 میں 26.31 کھرب روپے بینکوں میں ڈپازٹ ہوئے تھے۔

بینکوں کی سرمایہ میں بھی سالانہ 27.1 فیصد اضافہ ریکارڈ ہوا،اکتوبر 2023 میں 23.23 کھرب روپے کی سرمایہ کاری کی گئی ۔

گذشتہ برس اکتوبر میں 18.28 کھرب روپے کی سرمایہ کاری کی گئی تھی ،ماہانہ بنیادوں پر بینکوں کی سرمایہ کاری میں 2.7 فیصد اضافہ ہوا،ستمبر 2023 میں سرمایہ کاری 22.62 کھرب روپے پر رہی تھی۔