لاہور: (ویب ڈیسک ) صارفین کے لئے اچھی خبر آگئی۔ اب میٹا کمپنی نے انسٹاگرام سےعوامی (پبلک) ریلز ڈاؤن لوڈ کرنے کی سہولت فراہم کردی ہے۔ پبلک ریلز انسٹاگرام ایپ سے براہِ راست ڈاؤن لوڈ کرنے کےلیے ’شیئرآئکن‘ کی ذیل میں ایک سہولت کا اضافہ کیا گیا ہے جس پر ٹچ کرکے ڈاؤن لوڈ کا ایک نیا آپشن سامنے آجائے گا، اس کی بدولت صارفین کیمرہ رول میں ان ریلز کو محفوظ کرسکیں گے۔ فی الحال یہ سہولت ا بھی صرف امریکی صارفین کے لیے ہے تاہم امید کی جاسکتی ہے کہ جلد ہی پوری دنیا کے لیے جلد ہی دستیاب ہوسکے گی۔انسٹاگرام کے سربراہ ایڈم میسوری نے کہا کہ صرف پبلک اکاؤنٹس کی ریلز ہی داؤن لوڈ کی جاسکیں گی جبکہ ذاتی حیثیت والے اکاؤنٹس سے ظاہر ہے یہ عمل ممکن نہ ہوگا۔ انہوں نے اس ضمن میں ایک اسکرین شاٹ نبھی شیئر کیا ہے جس پرانسٹاگرام لوگو نمایاں ہے جبکہ اکاؤنٹ کا نام بھی تحریر ہے تاہم اب یہ معلوم نہیں ہوسکا کہ ان ریلز کو اتارنے کے بعد ان پر واٹرمارک یا کوئی نشان ہوگا یا نہیں؟۔ شاید انسٹاگرام دیگر لوگوں کو ترغیب دینا چاہتا ہے کہ وہ ریلز کو زیادہ سے زیادہ شیئر کرکے ایپ کو فروغ دے سکیں، اگرچہ انسٹاگرام ریلز زیادہ مشہور نہیں ہوپارہیں بلکہ ان سے آمدنی بھی کم ہورہی ہے۔ شاید اسی وجہ سے یہ اہم فیصلہ کیا گیا ہے۔