کراچی: (سنونیوز)پاکستان سپر لیگ سیزن 9 ، کوالیفائر میچ میں ملتان سلطان کے ہاتھوں پشاور زلمی کو 7 وکٹوں سے شکست،ملتان سلطانز چوتھی مرتبہ فائنل میں پہنچ گئی۔

ہدف کے تعاقب میں ملتان سلطانز کی اننگز کا آغاز یاسر خان اور محمد رضوان نے کیا تاہم 8 ویں اوور میں 61 کے مجموعی اسکور پر محمد رضوان 15 رنز بناکر آؤٹ ہوگئے۔

ملتان کی دوسری وکٹ 84 رنز کے مجموعی اسکور پر یاسر خان کی صورت میں گری جنہوں نے 37 گیندوں پر 54 رنز بنائے۔

پشاور زلمی کی جانب سے مہران ممتاز،سلمان ارشاد اور عامر جمال نے 1،1 وکٹ حاصل کی۔

پشاور زلمی نے پہلے بیٹنگ کرتے ہوئے مقررہ 20 اوورز میں 7 وکٹوں کے نقصان پر 146 رنز بنائے۔

پشاور زلمی کی اننگز صائم ایوب اور بابراعظم نےشروع کی تاہم صائم ایوب بڑے میچ میں بڑی اننگز کھیلنے میں ناکام رہے اور صرف 1 رن بناکر آؤٹ ہوگئے۔

51 کے مجموعی اسکور پر محمد حارث 22 رنز پرپویلین لوٹے ، حسیب اللہ بھی محض 3 رنز بنانے کے بعد 57 کے مجموعی اسکور پر آؤٹ ہوگئے۔14 ویں اوور میں کپتا ن بابراعظم 46 رنز بناکراپنی وکٹ دے بیٹھے۔

ٹام کوہلر 24 اور روومین پاول 12 رنز بناکر آؤٹ ہوئے۔ پال والٹر اور لیوک ووڈ 14، 14 رنز بناکر ناٹ آؤٹ رہے۔

ملتان سلطانز کیجانب سے اسامہ میر اور کرس جورڈن نے 2، 2، عباس آفریدی، محمد علی اور ڈیوڈ ولی نے ایک، ایک وکٹ حاصل کی۔

آج کا میچ جیتنے والی ٹیم فائنل کیلئے کوالیفائی کرلے گی جبکہ ہارنے والی ٹیم کو فائنل تک رسائی کا ایک اور موقع ملے گا۔

آج کے میچ میں ہارنے والی ٹیم کو کل کوئٹہ اور اسلام آباد کے مابین ہونے والے ایلیمنیٹر ون میچ کی فاتح ٹیم سے ایلیمنیٹر ٹو میں مقابلہ کرنا پڑے گا اور یہاں جو ٹیم فاتح ہوئی وہ آج کا کوالیفائر میچ جیتنے والی ٹیم سے فائنل میں ٹکرائے گی۔

ملتان سلطانز لیگ مرحلے میں اپنے دس میچوں میں سے سات جیت کر پوائنٹس ٹیبل پر سر فہرست رہی ہے جبکہ پشاور زلمی کو اپنے دس میں سے چھ میچز میں کامیابی حاصل ہوئی۔

دونوں ٹیمیں رواں ٹورنامنٹ میں دو بار مد مقابل آئی تھیں جس میں سے دونوں میچ میں پشاور زلمی فاتح رہی۔ پہلے میچ میں پشاور زلمی نے ملتان سلطانز کو 5 رنز سے شکست دی تھی جبکہ دوسرے میچ میں 4 رنز سے شکست دی تھی۔

یہ بھی پڑھیں: