راولپنڈی: (ویب ڈیسک )بانی پی ٹی آئی کو جیل میں میسر سہولیات ،اڈیالہ جیل انتظامیہ کی جانب سے لاہور ہائیکورٹ میں رپورٹ جمع۔

لاہور ہائیکورٹ میں جمع ہونے والی رپورٹ کے مطابق بانی پی ٹی آئی کو اڈیالہ میں 7 سیلز پر مشتمل سیکیورٹی وارڈ میں رکھا گیا ہے۔ جن میں سے 2 سیلز بانی پی ٹی آئی پی ٹی آئی کے زیر استعمال ہیں جبکہ 5 سیل سیکورٹی کی وجوہات کی بنا پر بند رکھے گئے ہیں۔

عام طور پر 7 سیلز میں 35 قیدی رکھے جاتے ہیں، ان سیلز کے صحن کو بھی بانی پی ٹی آئی چہل قدمی کے لیے استعمال کرتے ہیں جہاں کسی بھی شخص کی بغیر اجازت رسائی ممکن نہیں ہے۔

رپورٹ کے مطابق سابق چیئرمین پی ٹی آئی کے وارڈ کی حفاظت کے لیے پیشہ ور تربیت یافتہ 15 اہلکار مامور ہیں جن میں دو افسران بھی شامل ہیں، جبکہ اڈیالہ جیل میں 10 قیدیوں پر ایک اہلکار تعینات ہے، اس کے علاوہ سی سی ٹی وی کیمروں کی نگرانی اور سیکیورٹی پر تین اہلکار تعینات ہیں۔

جیل میں 7000 قیدیوں کے لیے الگ اور بانی پی ٹی آئی کے الگ سی سی ٹی وی کیمرہ سسٹم نصب ہے، جس پر پانچ لاکھ روپے خرچہ آیا ہے، اس کے علاوہ سیکیورٹی پر ماہانہ بارہ لاکھ روپے خرچ آرہا ہے۔

اڈیالہ جیل انتظامیہ کی پیش کردہ رپورٹ کے مطابق بانی پی ٹی آئی کا کھانا الگ کچن میں خاص ضابطوں کے تحت پکایا جاتا ہے، اور انہیں صحت افزا کھانا مہیا کیا جاتا ہے۔

یہ کھانا اسسٹنٹ سپرنٹنڈنٹ جیل کی نگرانی میں تیار کیا جاتا ہے جس کا میڈیکل افسر اور ڈپٹی سپرنٹنٹنڈنٹ معائنہ بھی کرتے ہیں۔

رپورٹ میں بتایا گیا ہے کہ جیل کے میڈیکل افسر کے علاؤہ، راولپنڈی ہولی فیملی ہسپتال کے 6 میڈیکل افسران بانی پی ٹی آئی کے میڈیکل ٹریٹمنٹ کے لیے تعینات ہیں، دوسرے اسپتال کے ماہر ڈاکٹرز کی ٹیم ہر ہفتے جیل کا دورہ کرتی ہے اور ضرورت پڑنے پر چیک اپ بھی کرتی ہے۔

بانی پی ٹی آئی کو چہل قدمی کیلئے جیل میں ایک خاص جگہ فراہم کی گئی ہے جبکہ ورزش کے لیے مشین اور دیگر اشیا فراہم کی گئی ہیں۔

اس کے علاوہ بانی پی ٹی آئی سے ملاقات کیلئے آنے والوں کیلئے اہم قواعد و ضوابط بنائے گئے ہیں، بانی پی ٹی آئی کے جیل ٹرائل کے دوران، ایک جامع سیکورٹی پلان پر عملدرآمد کیا جاتا ہے۔

اڈیالہ جیل کی حفاظت کے لیے جیل پولیس، رینجرز، ضلعی پولیس فرائض ادا کررہی ہے جبکہ جیل اور اردگرد کے علاقے کلئیر رکھنے کے لیے سرچ آپریشن کیے جاتے ہیں،

جیل میں بانی پی ٹی آئی اور تمام قیدیوں کی سیکورٹی کے لیے فرضی مشقیں بھی کی گئی ہیں اور اڈیالہ جیل کی جانب جانے والے روڈ پر پولیس کی اضافی نفری تعینات ہے اور اطراف میں رینجرز و ایلیٹ فورس کے اہلکار گشت بھی کرتے ہیں۔

یہ بھی پڑھیں: