سابق ایرانی سپریم لیڈر خامنہ کی نمازہ جنازہ و تدفین کا اعلان

ایرانی خبر ایجنسی کی رپورٹ کے مطابق امریکا اور اسرائیل کے حملوں کے نتیجے میں شہید ہونے والے ایران کے سابق رہبرِ اعلیٰ سید علی خامنہ ای شہید کی نماز جنازہ اور تدفین عاشورہ محرم کے بعد انجام دی جائے گی۔

رپورٹ میں بتایا گیا کہ شہید سید آیت اللہ علی خامنہ ای کی نماز جنازہ اور تدفین سے متعلق حتمی تاریخ اور وقت کا ابھی باضابطہ اعلان نہیں کیا گیا۔

ایرانی حکام کا کہنا ہے کہ سابق رہبر اعلیٰ شہید سید علی خامنہ کی نماز جنازہ تدفین کے حوالے سے متعلقہ ہیڈکوارٹرز کی جانب سے جلد تفصیلی شیڈول اور انتظامات کا اعلان کیا جائے گا۔

ایرانی میڈیا کے مطابق سید علی خامنہ ای 28 فروری 2026 کو امریکی و اسرائیلی حملوں کے نتیجے میں تہران میں شہید ہوئے تھے جبکہ ایرانی سرکاری میڈیا نے اگلے روز ان کی شہادت کی تصدیق کی تھی۔

رپورٹس کے مطابق اس حملے کے بعد ایران میں سیاسی اور مذہبی سطح پر اہم تبدیلیاں رونما ہوئیں اور خامنہ ای کے صاحبزادے مجتبیٰ خامنہ ای کو ملک کا نیا رہبرِ اعلیٰ مقرر کیا گیا۔

یہ بھی پڑھیں: آیت اللہ علی خامنہ ای کی نماز جنازہ ادا: دی ٹیلی گراف کا دعویٰ

چند روز قبل ایرانی وزیر خارجہ عباس عراقچی نے ایک انٹرویو میں انکشاف کیا تھا کہ حملے کے روز وہ بھی خامنہ ای کے دفتر میں موجود تھے، تاہم وہ محفوظ رہے۔

ایرانی عوام اور مذہبی حلقوں کی جانب سے خامنہ ای کی نماز جنازہ اور تدفین کے سرکاری اعلان کا انتظار کیا جا رہا ہے، جبکہ عاشورہ محرم کے بعد ان کی آخری رسومات کی تیاریاں جاری ہیں۔