تفصیلات کے مطابق ان تبدیلیوں میں پروسیسر، کیمرہ، بیٹری، چارجنگ، اور ڈیزائن شامل ہیں جو آئی فون 16 پرومیکس کے مقابلے میں ایک  اپ ڈیٹ ماڈل واضح ہوتا ہے۔

ایپل کمپنی کے آئندہ فلیگ شیپ اسمارٹ فون، آئی فون 17 پرومیکس سے متعلق لیک شدہ تفصیلات مارکیٹ میں عیاں ہوگئی ہیں جن میں ڈیزائن، کارکردگی، کیمرہ، بیٹری اور چارجنگ کے متعلق قابل تعریف تبدیلیاں شامل ہیں۔ ذرائع کے مطابق یہ نئی پیش رفت آئی فون 16 پرومیکس کے مقابلے میں ایک بڑی اپ ڈیٹ کے طور پر دیکھی جا رہی ہے۔

ٹیکنالوجی ماہرین کے مطابق آئی فون 17 پرومیکس میں نیا A19 چپ سیٹ شامل کیا  گیا جو کہ  پچھلے A18 پرو کے مقابلے میں نہ صرف تیز بلکہ توانائی کی بچت میں بھی معاون ثابت ہو گا۔ اس کے ساتھ فون کی ریم (RAM) کو 8GB سے بڑھا کر 12GB کر دیا گیا ہے جس سے ایک وقت میں کئی ایپس چلانا مزیدآسان  ہو جائے گا۔

کیمرہ کے لینسز میں بھی بہت  بہتری سامنے آئی ہے۔ لیکس شدہ معلومات کے مطابق ٹیلی فوٹو لینس کو 12 میگا پکسل سے بڑھا کر 48 میگا پکسل کر دیا گیا ہے جبکہ سیلفی کیمرہ بھی 12 میگا پکسل سے 24 میگا پکسل تک اپ ڈیٹ کیا گیا ہے۔ ماہرین کا کہنا ہے کہ یہ تبدیلیاں فوٹوگرافی کے شوقین افراد کے لیے خوش کن ثابت ہوں گی۔

یہ بھی پڑھیں: ایپل کا پہلا فولڈ ایبل آئی فون،قیمت کیا اور مارکیٹ میں کب تک میسرہوگا؟

بیٹری کے حوالے سے بھی اہم پیش رفت ہوئی ہے جس میں فون کو 4685mAh سے بڑھا د کر 5000mAh کی بیٹری دی جا رہی ہے۔ ساتھ ہی میگ سیف چارجنگ کی صلاحیت بھی بڑھا دی گئی جو کہ پہلے 25W تھی اوراب اس کی رفتار بڑھا کر50W کر دی گئی ہے ۔

یاد رہے کہ نئے ماڈل کے ڈیزائن میں بھی تبدیلی متوقع ہے جس میں ایلومینیم فریم استعمال کیا گیا ہے۔ آئی فون 16 پرومیکس میں ٹائٹینیم فریم تھا۔ نیز فون کی موٹائی 8.725 ملی میٹر ہو گی۔

ماہرین کا کہنا ہے کہ اگر یہ لیکس شدہ معلومات درست ثابت ہوتی ہیں تو آئی فون 17 پرومیکس ایپل کے اسمارٹ موبائلز کی دنیا میں ایک جدید باب کھولنے جا رہا ہے۔