راولپنڈی کرکٹ سٹیڈیم میں کھیلے جارہے میچ میں سری لنکا نے پاکستان کی دعوت پر پہلے کھیلتے ہوئے مقررہ 50 اوورز میں 8 وکٹوں کے نقصان پر 288 رنز بنائے۔

سری لنکا کی جانب سے جینتھ لیانیج 54 رنز بنا کر نمایاں رہے، کمینڈو مینڈس نے 44، سدیرا سمارا وکرما نے 42، کامل مشرا نے 24، پاتھم نسانکا نے 24 رنز سکور کیے۔

مہمان ٹیم کی جانب سے کوشال مینڈس 20، کپتان کیرتھ اسالنکا 6 جبکہ دشمانتھا چمیرا بغیر کھاتہ کھولے ہی پویلین لوٹ گئے، وانند ہاسارنگا نے 37 اور پرامود مدوشن نے 11 رنز کی ناٹ آؤٹ اننگ کھیلی۔

پاکستان کی جانب سے ابرار احمد اور حارث رؤف نے تین ، تین کھلاڑیوں کو پویلین کی راہ دکھائی جبکہ محمد وسیم جونیئر نے ایک وکٹ حاصل کی۔

واضح رہے کہ قومی ٹیم کی کمان آج شاہین آفریدی کی جگہ سلمان علی آغا کے ہاتھوں میں ہے ، قومی ٹیم میں دوتبدیلیاں کی گئی ہیں، شاہین آفریدی اور فہیم اشرف کو آرام دیا گیا ہے ان کی جگہ وسیم جونیئر اور ابراراحمد کو ٹیم میں شامل کیا گیا ہے ۔

قومی سکواڈ

پاکستانی ٹیم آج سلما علی آغا (کپتان)، فخر زمان، صائم ایوب، بابر اعظم، محمد رضوان (وکٹ کیپر)، حسین طلعت، محمد نواز، وسیم جونیئر، حارث رؤف، نسیم شاہ اور ابرار احمد پر مشتمل ہے۔

سری لنکن ٹیم

میزبان سری لنکا کی ٹیم میں پاتھم نسانکا، کامل مشرا، کوشال مینڈس، سدیرا سماراوکرما، کیرتھ اسالنکا، جینتھ لیانیج، کمینڈو مینڈس، وانندو ہاسارنگا، پرامود مدوشن، دشمانتھا چمیرا اور اسیتھا فرنینڈو شامل ہیں۔