حکام کے مطابق ایک چارٹرڈ فرم نے دو نئی پی ایس ایل فرنچائزز کی ممکنہ قیمت کا تعین کر لیا ہے۔ نئی ٹیموں کے لیے جن شہروں کے نام زیرِ غور ہیں ان میں حیدرآباد، سیالکوٹ، مظفرآباد، فیصل آباد، گلگت اور راولپنڈی شامل ہیں۔ تاہم حتمی فیصلہ ٹینڈر کی تکمیل کے بعد ہی کیا جائے گا۔

یہ بھی پڑھیں: سری لنکن کرکٹ ٹیم کا دورہ پاکستان جاری رکھنے کا فیصلہ

پی سی بی نے موجودہ فرنچائزز کو 10 سالہ تجدید کے ساتھ نئے معاہدوں کی باضابطہ پیشکش کر دی اور انہیں مقررہ مدت میں اپنے فیصلے سے آگاہ کرنے کی ہدایت کی گئی ہے۔ بورڈ حکام نے واضح کیا کہ وہ فرنچائز کے ساتھ باہمی احترام اور مضبوط تعلقات کو برقرار رکھنے کے لیے پُرعزم ہیں۔
پی سی بی کا کہنا ہے کہ یہ اقدامات لیگ کے مستقبل کو مستحکم بنانے اور پی ایس ایل کی توسیع کے لیے کیے جارہے ہیں، جس سے پاکستان کرکٹ کی مقبولیت اور تجارتی مواقع میں اضافہ ہوگا۔