دونوں ٹیموں نے 1،1 میچ جیت کر سیریز کو برابر کر رکھا ہے، جس کے بعد آج کا مقابلہ سیریز کا فاتح طے کرے گا۔

یاد رہے کہ راولپنڈی میں کھیلے گئے پہلے ٹی 20 میچ میں جنوبی افریقہ نے شاندار کارکردگی کا مظاہرہ کرتے ہوئے پاکستان کو 55 رنز سے شکست دی تھی، تاہم دوسرے میچ میں گرین شرٹس نے شاندار واپسی کرتے ہوئے 9 وکٹوں سے کامیابی حاصل کی۔

پاکستان کی جانب سے دوسرے میچ میں بلے بازوں نے بہترین بلے بازی کرتے ہوئے ٹیم کو فتح دلائی۔ شائقینِ کرکٹ کی نظریں اب فیصلہ کن مقابلے پر جمی ہیں، جہاں دونوں ٹیمیں بھرپور تیاری کے ساتھ میدان میں اتریں گی۔

یہ بھی پڑھیں:بابر اعظم کا بڑا کارنامہ: ٹی 20 میں رنز کا نیا عالمی ریکارڈ

پاکستانی کرکٹ شائقین کا کہنا ہے کہ کھلاڑی پرعزم ہیں اور قذافی اسٹیڈیم میں کامیابی کیلئے پوری قوت کے ساتھ میدان میں اتریں گے۔ دوسری جانب جنوبی افریقہ بھی سیریز اپنے نام کرنے کیلئے حکمتِ عملی ترتیب دے چکا ہے۔

ٹی 20 سیریز کے اختتام کے بعد دونوں ٹیمیں 4 نومبر سے فیصل آباد میں شروع ہونے والی 3 ون ڈے میچز کی سیریز میں آمنے سامنے ہوں گی۔