تفصیلات کے مطابق انٹرنیشنل کرکٹ کونسل (آئی سی سی) چیمپینز ٹرافی 2025 کے ٹکٹوں کی آن لائن فروخت کا عمل جاری ہے۔ کرکٹ شائقین کا چیمپئنز ٹرافی ٹکٹس کی آن لائن فروخت شروع ہونے پر غیرمعمولی جوش و خروش نظر آ رہا ہے۔ پہلے مرحلے میں 30 فیصد ٹکٹس آن لائن فروخت کے لیے پیش کئے گئے ہیں۔

پاکستان نیوزی لینڈ، آسٹریلیا انگلینڈ اور پاکستان بنگلہ دیش میچز کے ٹکٹس مکمل فروخت ہوگئے۔ پاکستان اور نیوزی لینڈ کا میچ 19 فروری کو کراچی میں ہوگا۔ آسٹریلیا اور انگلینڈ کا میچ 22 فروری کو لاہور میں ہوگا۔ پاکستان اور بنگلہ دیش کا میچ 27 فروری کو راولپنڈی میں ہوگا۔

دوسرے مرحلے میں فزیکل ٹکٹس 3 فروری سے فروخت ہوں گے۔ 100 سے زائد ٹکٹس ٹی سی ایس ایکسپریس سینٹرز سے فروخت کئے جائیں گے۔

پاکستان کرکٹ بورڈ (پی سی بی) کا کہنا ہے کہ ٹکٹوں کی فروخت پر عوامی ردعمل خوش کن ہے، چند گھنٹوں میں ٹکٹس کی فروخت شائقین کی دلچسپ کی عکاس ہے، پاکستانی شائقین اپنی ٹیم کیساتھ کھڑے ہیں جو اچھی خبر ہے۔ پی سی بی زیادہ سے زیادہ تماشائیوں کو میچز دکھانے کی سہولت دے گا۔