حادثہ زاہِر پیر (رحیم یار خان) سے لیکر ملتان شیر شاہ انٹرچینج تک کے راستے کے درمیان پیش آیا۔ دھند کے باعث موٹروے کو صبح کے وقت عارضی طور پر بند کر دیا گیا تھا۔

ریسکیو 1122 نے بتایا کہ حادثے میں کم دیکھائی دینے کی وجہ سے چلتے ہوئے ٹرک رکے ہوئے ٹرکوں سے ٹکرا گئے۔ زخمیوں میں سے دو افراد کو ایک ٹرک سے نکال کر ریسکیو آپریشن کے ذریعے ہسپتال منتقل کیا گیا۔

موٹروے پولیس کے مطابق موٹروے صبح 6:00 بجے سے تقریباً 11:30 تک بند رہی۔ ہزاروں مسافروں کو متبادل شاہراہ استعمال کرنی پڑی جس کے باعث مختلف انٹرچینجز پر شدید ٹریفک جام کی اطلاع ملی۔

یہ بھی پڑھیں: سرکاری ملازمت کے خواہشمندوں کیلئے اہم خبر

پولیس نے شہریوں کو دھند کے دوران سفر سے گریز، فوگ لائٹس استعمال کرنے، گاڑیوں کے درمیان محفوظ فاصلہ رکھنے اور رفتار کو کم رکھنے کی ہدایات جاری کی ہیں۔

محکمہ موسمیات نے پنجاب سمیت مختلف علاقوں میں اگلے چند روز تک دھند کی پیش گوئی کی ہے جن میں ملتان، فیصل آباد، لاہور اور بہاولپور بھی شامل ہیں۔