تفصیلات کے مطابق سرکاری حج سکیم کے تحت درخواستوں کی وصولی کا آخری مرحلہ آگیا۔ 5 روز کے دوران 3 ہزار 120 حج درخواستیں جمع کرا دی گئیں۔

نئی درخواستوں کے ہمراہ ایک ارب 87 کروڑ 20 لاکھ روپے جمع کرا دیئے گئے۔ ریگولر سکیم کے تحت حج درخواستوں کی تعداد 81 ہزار 500 سے بڑھ کر 84 ہزار 620 ہو گئی۔

ذرائع وزارت مذہبی امور کے مطابق وزارت مذہبی امور نے محدود نشستوں پر حج درخواستوں کی وصولی جاری رکھنے کا فیصلہ کر لیا۔ ملک بھر کے بینک پہلے  آئیے پہلے پائیے  کی بنیاد پر درخواستیں وصول کر رہے ہیں۔

یاد رہے وزارت مذہبی امور نے باقی رہ جانے والی پانچ ہزار محدود نشستوں پر درخواست وصولی کا اعلان کیا تھا۔