وزیر خزانہ محمد اورنگ زیب نے نکی ایشیا اخبار کو انٹرویو دیتے ہوئے کہا کہ پاکستان اپنے یوان بانڈ مارکیٹ تک رسائی حاصل کرنے اور ہانگ کانگ میں کارپوریٹ اسٹاک لسٹنگز کی حوصلہ افزائی کرنے کے لیے تیار ہیں، پاکستان کی آئی ایم ایف سے بیل آؤٹ کے بعد کریڈٹ ریٹنگ میں بہتری آئی ہے۔

محمد اورنگزیب نے عالمی ایجنسیوں سے “بی” کی درجہ بندی کی توقع ظاہر کی اور کہا کہ پاکستان کی خودمختار کریڈٹ ریٹنگز میں بہتری آئی ہے۔ انہوں نے ہانگ کانگ میں پاکستانی چینی مشترکہ منصوبے کی لسٹنگ کی توقع کا اظہار کیا۔ ان کا کہنا تھا کہ پاکستانی چینی مشترکہ منصوبے سروس لانگ مارچ کی ہانگ کانگ میں لسٹنگ متوقع ہے،

وزیر خزانہ نے پاکستانی کمپنیوں کے لیے مزید لسٹنگز کے امکانات پر زور دیا۔ انہوں نے چین پاکستان اقتصادی راہداری کی اہمیت پر زور دیا اور کہا کہ پاکستان اور چین کے تعلقات کو مزید مستحکم کرنے کیلئے سی پیک ایک اہم قدم ہے۔

محمد اورنگزیب نے بیلٹ اینڈ روڈ انیشی ایٹو کو اہم قرار دیتے ہوئے کہا کہ پاکستان میں چینی شہریوں کے لیے سیکیورٹی اقدامات جاری ہیں، پاکستانی حکومت چینی شہریوں اور غیر ملکیوں کی سیکیورٹی کو اعلیٰ سطح پر اہمیت دیتی ہے، زمینی صورتحال میڈیا سے کہیں بہتر ہے۔

وزیر خزانہ نے مزید کہا کہ پاکستان میں اقتصادی اصلاحات سے مہنگائی میں کمی آئی ہے، پاکستان میں مہنگائی میں نمایاں کمی آئی ہے، جو مئی 2023 میں 38 فیصد تھی اور اس ماہ 3 فیصد تک آ گئی ہے۔

انہوں نے اقتصادی اصلاحات کی اہمیت پر بھی زور دیا اور کہا کہ پاکستان نے آئی ایم ایف پروگرام کے بعد اپنے ترقی کے ماڈل پر توجہ مرکوز کی ہے۔ وزیر اے خزانہ نے آئی ایم ایف کی شرائط کے مطابق اصلاحات کی امید ظاہر کی اور کہا کہ یہ آخری آئی ایم ایف پروگرام ہوگا، پاکستان اپنے برآمدی نمو کے ماڈل کو مستحکم کرنے، غیر ملکی سرمایہ کاری کو راغب کرنے اور عالمی مالیاتی منڈیوں میں واپس جانے کے لیے کوشاں ہے۔