چیف میٹرولوجسٹ سردار سرفراز کا کہنا ہے کہ کراچی میں گزشتہ 6 سے 7 دن سے درجہ حرارت 9 سے 10 سینٹی گریڈ کے درمیان رہا ہے۔ آج بھی کراچی میں زیادہ سے زیادہ درجہ حرارت 24 سے 25 سینٹی گریڈ رہنے کا امکان ہے۔                                                                                                                                                                                                                                      انہوں نے مزید کہا کہ دوپہر کے بعد شہر میں تیز ہوائیں چلنے کا امکان ہے، جس سے سردی کی شدت میں اضافہ ہو سکتا ہے۔ انہوں نے کہا کہ موجودہ سردی کی لہر 17 جنوری تک جاری رہنے کی توقع ہے۔ 

دوسری جانب موسمیاتی ماہرین کا کہنا ہے کہ سردی کی لہر کی شدت میں کمی آنے کا امکان نہیں ہے، تاہم اس کے بعد موسم میں معمولی تبدیلی آ سکتی ہے۔ 

بلوچستان کے بیشتر علاقوں میں 20 جنوری کے بعد بارش کی توقع ہے، جبکہ کے پی کے بالائی علاقوں، آزاد کشمیر اور گلگت بلتستان میں بارش اور برف باری کا امکان ہے۔