نئے وفاقی وزراء و وزرائے مملکت کی حلف برداری کی تقریب ایوان صدر میں ہوئی، صدر مملکت آصف علی زرداری نے نئے وزراء اور وزرائے مملکت سے حلف لیا، وزیراعظم شہباز شریف اور چیئرمین سینیٹ سید یوسف رضا گیلانی بھی تقریب میں موجود تھے۔

حنیف عباسی، معین وٹو، مصطفیٰ کمال اور سردار یوسف نے بطور وفاقی وزیر حلف اٹھایا، اورنگزیب کھچی، رانا مبشر اقبال، رضا حیات ہراج اور طارق فضل چودھری کو بھی بطور وفاقی وزیر کابینہ میں شامل کیا گیا ہے۔

اسی طرح علی پرویز ملک، شزہ فاطمہ ، جنید انور، خالد مگسی اور پیر عمران شاہ بھی بطور وفاقی وزیر حلف اٹھانے والوں میں شامل ہیں۔

طلال چودھری، بیرسٹر عقیل ملک اور ملک رشید نے بطور وزیر مملکت حلف اٹھایا، ارمغان سبحانی ، کھیل داس کوہستانی، عون چودھری، عبدالرحمان کانجو، بلال اظہر کیانی اور مختار بھرت نے بھی بطور وزیر مملکت حلف اٹھایا۔

اسی طرح شزرا منصب اور وجیہہ قمر بھی وزیر مملکت کا حلف اٹھانے والوں میں شامل ہیں۔