ایم کیو ایم کے  ترجمان نے اس خبر کی تصدیق کرتے ہوئے کہا کہ مرحومہ کی نماز جنازہ اور تدفین کا وقت اور مقام بعد میں اعلان کیا جائے گا۔

ایم کیو ایم کے چیئرمین خالد مقبول صدیقی نے عمران فاروق کی والدہ کے انتقال پر گہرے رنج و غم کا اظہار کرتے ہوئے کہا کہ مرحومہ ایک باہمت اور جرات مندانہ شخصیت کی مالکہ تھیں۔

انہوں نے ہمیشہ مشکل حالات میں صعوبتوں کا مقابلہ کیا اور ہر مشکل وقت میں ثابت قدم رہیں۔

انہوں  نے مزید کہا کہ شہید ڈاکٹر عمران فاروق کی والدہ قوم کی ماؤں کیلئے ایک جیتی جاگتی مثال تھیں، جنہوں نے اپنی زندگی کے مختلف مراحل میں محنت اور استقامت کا پیکر بن کر دکھایا۔

انہوں نے اللہ تعالی سے دعا کی کہ وہ مرحومہ کی مغفرت فرمائے اور ان کے درجات بلند کرے۔ ساتھ ہی سوگوار خاندان کو صبر جمیل عطا کرے۔

ایم کیو ایم کی قیادت نے پارٹی کے کارکنان سے درخواست کی ہے کہ وہ مرحومہ کیلئے دعائے مغفرت کریں اور ان کے خاندان کے ساتھ یکجہتی کا اظہار بھی کریں۔