محکمہ موسمیات کی جانب سے کہا گیا کہ بارش برسانے والا مغربی سسٹم آج پاکستان میں داخل ہونے کا امکان ہے، جس سے سردی کی شدت میں مزید اضافہ ہوگا۔
شمال، مغربی بلوچستان، بالائی خیبرپختونخوا، گلگت بلتستان، کشمیر، ملحقہ پہاڑی علاقوں میں آج بارش اور برفباری کی پیشگوئی ہے جبکہ اسلام آباد اور گردونواح میں بھی موسم سرد اور مطلع جزوی ابرآلود رہنے کے علاوہ ہلکی بارش اور بونداباندی متوقع ہے۔
کشمیر، گلگت بلتستان میں شدید سردی اور برفباری کا امکان ہے۔ چترال، دیر، سوات میں برفباری کی توقع ہے جبکہ کوئٹہ بارکھان میں بارش اور برفباری ہو سکتی ہے۔
اسکردو میں درجہ حرارت منفی نو، گلگت میں منفی چھ تک گرگیا جبکہ مری اور کوئٹہ میں درجہ حرارت صفر، اسلام آباد اور پشاور میں ایک ڈگری سینٹی گریڈ ریکارڈ کیا گیا۔
