کپتان بابراعظم نے بنگلا دیش کے خلاف ہونے والی ٹیسٹ سیریز جو اگست میں راولپنڈی میں شروع ہوگی اور پاکستان بنگلا دیش کیخلاف 2 ٹیسٹ میچ کھیلے گا، بابراعظم نے سیریز سے قبل جم ٹریننگ کرنی شروع کردی ہے جس کی ویڈیو سوشل میڈیا پر بہت زیادہ وائرل ہورہی۔
پاکستان کرکٹ ٹیم کے کپتان بابراعظم نے گزشتہ روز اپنے سماجی رابطے کی ویب سائٹ انسٹاگرام پر جم کرتے ہوئے کی اپنی ویڈیو شیئر کی جس میں نظر آرہا کہ بابراعظم سخت ورزش کررہے ہیں، ویڈیو میں بابر مختلف ورزشیں کرتے نظر آرہے ہیں۔
کپتان بابراعظم نے ویڈیو کے کیپشن میں ورک تحریر کیا جس کے بعد کرکٹ مداحوں کی طرف سے پوسٹ پر تبصروں کی لائن لگ گئی۔
بابر اعظم کی سوشل میڈیا پر ویڈیو وائرل ہوئی تو اداکار اور ٹی وی ہوسٹ احمد علی نے اسے اپنے انسٹاگرام اسٹوری پر شیئر کیا اور اپنی بھڑاس نکالی اور بابراعظم کو تنقید کا نشانہ بنایا اور معافی کا مطالبہ کیا۔
اداکار احمد علی بٹ نے لکھا جم کے بجائے اسٹیڈیم میں دکھائی جانے والی ناقص پرفارمنس کے سبب آپ کو اپنے ملک اور قوم سے معافی مانگنی چاہیے اور ساتھ ہی ہارنے کی وجہ بھی بتانی چاہیے ۔
احمد علی نے مزید تنقید کرتے ہوئے لکھا کہ احساس ہو تو کچھ شرم ہو نا ۔ ساتھ ہی اس اسٹوری پر احمد علی بٹ نے ہیش ٹیگ میں ناٹ مائی کیپٹن بھی لکھا۔
