خلیل الرحمان قمر نےصبا قمر کو بیہودہ کہہ ڈالا
July, 3 2024
کراچی :(ویب ڈیسک )ٹی وی شو میں لڑکی سے بدتمیزی کرنے کے بعد رائٹر خلیل الرحمان نے ایک اور محاذ کھول دیا،اداکارہ صباقمر کو بیہودہ کہہ ڈالا۔
تفصیلات کے مطابق پاکستان شوبز انڈسٹری کے نامور رائٹر خلیل الرحمٰن قمر حال ہی میں ایک پوڈکاسٹ میں شریک ہوئے جہاں انہوں نے اپنی ذاتی اور فنی زندگی کے حوالے سے کھل کر بات کی۔
دوران گفتگو انہوں نے اداکارہ صبا قمر کے حوالے سے ایک بیان دیا جو دیکھتے ہی دیکھتے سوشل میڈیا پر وائرل ہوگیا۔
دوران انٹرویو جب میزبان کی جانب سے رائٹر سے پوچھا گیا کہ وہ کون سے اداکار یا اداکارہ ہیں، جن کے ساتھ وہ کبھی کام نہیں کرنا چاہیں گے؟ تو اس پر خلیل الرحمٰن قمر نے جواب دیتے ہوئے کہا کہ انہیں نہیں لگتا کہ اب وہ پھر کبھی صبا قمر کے ساتھ کام کریں گے۔
انہوں نے مزید کہا کہ صبا قمر جس طرح کے ’بیہودہ‘ کپڑے پہنتی ہیں، وہ ڈرامہ انڈسٹری کی حدود میں نہیں آتے۔انہوں نے اس موقع پر وضاحت بھی دی کہ صبا قمر بہت اچھی اداکارہ ہیں، انہوں نے ان کے سیریل میں کام بھی کیا تھا اور ان کا کام انتہائی شاندار تھا۔
ان کا کہنا تھا کہ لباس کا انتخاب اور لباس کو پہننا صبا قمر کی ذاتی پسند ہے اور ان کا بھی یہ ذاتی حق ہے کہ وہ انہیں اپنے ڈراموں میں کاسٹ کریں یا نہ کریں۔
اس سے قبل بھی خلیل الرحمٰن قمر اداکارہ صبا قمر کے لباس پر بات کرچکےہیں جب کہ وہ ان کے علاوہ بھی ماہرہ خان ممیت دیگر اداکارائوں کے حوالے سے بات کرتے رہے ہیں۔
خلیل الرحمٰن قمر نہ صرف اداکاراؤں بلکہ اداکاروں کے حوالے سے بھی نامناسب گفتگو کرتے رہے ہیں جب کہ انہیں خواتین اور خصوصی طور پر عورت مارچ کے خلاف سخت زبان استعمال کرنے پر تنقید کا سامنا رہتا ہے۔
حا ل ہی میں وہ ایک نجی ٹی وی کے شو میں خاتون کیساتھ بدتمیزی کرنے کی وجہ سے سوشل میڈیا پر بہت زیادہ تنقید کا نشانہ بنے تھے،اس پروگرام میں ان کے ساتھ ساحل عدیم بھی تھے جنہوں نے خواتین کو جاہل کہا تھا۔
